ریڈیو زْرمبش بلوچی | ریڈیو زْرمبش بلوچی

پنجْگُور ءَ بیست ءُ دو نومبر ءَ تھتگ بند ھرتال ءُ سی پیک دگ بند کنگ بنت۔

پنجْگُور ءَ بیست ءُ دو نومبر ءَ تھتگ بند ھرتال ءُ سی پیک دگ بند کنگ بنت۔

NOV

18

پَنجْگُور: انجمن تاجران کمیٹی ءِ نیمگ ءَ 22 نومبر ءَ تھتگ بند ھرتال ءُ سی پیک دگ ءِ بند کنگ ءِ جار جنگ بیتگ۔ بنشون ءِ رد ءَ انجمن تاجران، ڈرائیور ویلپیئر ایسوسی ایشن، آٹوز گیراج یونین ءِ سروکاں پریس کانپریس کرتگ ءُ گوشتگ کہ پہ یازدہ لوٹانی منّگ ءَ 22 نومبر ءَ پنجگور ءَ تھتگ بند ھرتال کنگ ءُ سی پیک دگ پہ ھر وڑیں روگ ءُ آھگ ءَ بند کنگ بیت۔ آیاں گوشتگ کہ ما سیمسر ءَ زوت پہ روزگار ءَ پچ کنگ لوٹ ایں، اے گزراہ ءِ بند بیگ ءَ لّس مردم چونیں جیڑھانی دیمپان اِنت اے گپ ءَ پنجگور ءِ لّس مردم بزان اَنت۔ آیاں گوشتگ کہ ما پہ زھرشانی کنگ ءَ لاچار بیتگ ایں، چہ بے روزگاری ءِ سوب ءَ لّس مردم پہ نان ءِ چُنڈے ءَ چمدار اَنت۔ چہ لس مردماں بگر داں نوکر درس انوگیں جاوراں ھیران اَنت۔ بازیں مردم پہ روزگار ءَ آدگہ ھنداں روگ ءَ اَنت۔ آیاں گوشتگ کہ نوں ما دلسْیاہ ایں گیشتر زوراکیاں اوپار کرت نہ کن ایں۔ دمگی واکدار مئے لوٹانی سر ءَ زوت ھیال ءَ گور بہ کنت ءُ سیمسر ءَ مردماں روزگار کنگ ءَ بل ایت۔ بنشون: اھوالکار | اکس: دامگ