ریڈیو زْرمبش بلوچی | ریڈیو زْرمبش بلوچی

اسلام آباد : ایوی ایشن ءِ رد ءَ چین ءِ نیمگ کورونا وائرس ءِ بندشانی سوب ءَ پی آئی اے ءَ باڑہ گیش کرتگ ۔ پاکستان ءِ بازیں نودربراں پی آئی اے سرا کلوہ دیم داتگ ءُ لوٹ کرتگ کہ وتی ٹکٹ ءِ نھاد ءَ کم کن کہ اے چہ مئے وس ءَ ڈن اِنت ءُ تو ( پی آئی اے ) ءَ وتی نیمگ ءَ ٹکٹانی نھاد گیش کرتگ ۔ پی آئی اے بنشون ءَ درشان ءِ شنگ کرتگ ءُ گوشتگ کہ ما لاچاریں وتی باڑہ ءَ گیش بہ کن ایں ۔ چین ءَ کورونا وائرس ءِ سوب ءَ بازیں بندش جتگ ءُ پی آئی اے ءِ بالی گراب چین ءِ روگ ءَ مردم ءَ پُر اَنت بلے واتر بیگ ءَ ھالیگ ءَ کاینت ءُ پی آئی اے پیسرا بازیں جیڑہ ءُ جنجال ءُ تاوانانی دیمپان اِنت پمشکا ما ٹکٹ ءِ نھاد گیش کرتگ ۔ زانگ بہ بیت کہ پی آئی اے ءِ ٹکٹ نھاد پہ چین ءِ شھر سنگیانگ ءَ مروچی 2749 ڈالر اِنت کہ پاکستانی 649783 کلدار بہ اَنت۔ بنشون: دمگی اھوالکار |اکس: دامگ