ریڈیو زْرمبش بلوچی | ریڈیو زْرمبش بلوچی

کھٹمنڈ: نیپال ءَ مساپر کشیں بالگردے ( ھیلی کاپٹر) ءِ کپگ ءَ پنچ مردم بیران بیتگ ءُ یک مردمے بیگواہ اِنت۔ جھانی رسانکدر ءِ رد ءَ نیپال ءَ کپتگیں مساپر کشیں بالگرد ءَ چہ سور ءِ بالی پٹ ءَ بال کرتگ ءُ کھٹمنڈ ءِ نیمگ ءَ روگ ءَ بیتگ۔ بال کنگ ءَ کمیں دیر ءَ پد گوں آئی ءَ رھوت نہ بیتگ۔ پہ گاریں بالگرد ءِ پٹ ءُ پول کنگ ءَ ٹولی یے شتگ کہ آیاں سولکھبو ءِ کوھاں لامجور ءَ بالگرد ءِ ٹکڑ ءِ دست کپتگ اَنت۔ بالگرد ءَ کل شش مردم سوار بیتگ چہ آیاں پنچ مردمانی جون گندگ بیتگ اَنت یک مردمے بیگواہ اِنت۔ بنشون: جھانی رسانکدر/ اکس: دامگ