ریڈیو زْرمبش بلوچی | ریڈیو زْرمبش بلوچی

نمدی یے پہ شھید شبیر جان ءَ نبشتہ کار :بُلباس بلوچ

نمدی یے پہ شھید شبیر جان ءَ   نبشتہ کار :بُلباس بلوچ

NOV

16
16 / 11 / 2022 نبشتانک 71

دروت ءُ درھبات امیت اِنت کہ تو وش ءُ جوڑ ئے من وش ءُ سلامت آں اے وھد شپ ءِ 11 بج اِنت من جیڑگ ءَ آں پہ تو چے نبشتہ بہ کن آں منی ند ءِ مس ھلاس بہ بنت منی کاگد ھلاس بہ بنت انگت تئی توسیپ ھلاس نہ بنت، من ءَ ھما روچ یات اِنت کہ من گوانکو پچ کُرت چارت سنگتے ءَ بستارالے (اسٹیٹسے) جتگ اَت کہ شبیر جان تو نمیران ئے من ھبکہ ءُ ھیران بوت آں تئی اَکس پجی ءَ جنوک اَت من ءَ باز اپسوز بوت کہ تو اے دنیا یل مہ کُتیں من ءَ یات انت کہ یک شپے من واب ءَ دیست کہ تو اتک ئے ءُ من گوشت شبیر تو شھید بوتگ ئے تو دنیا یل کتگ بلے تو اد ءَ تو گوشت کہ من نہ مرتگ آں من زندگ آں من واب ءَ بُست کرت من جیڑ اِت پد ءَ من ترا کدی نہ گوشتگ کہ تو اے دنیا یل کتگ شبیر تو نہ مرتگ ئے تو زندگ ئے من ھما دمک ءُ دراں گوں تو ھوار گشتگ آں ھما درچکانی ساھگ ھما ملکانی کشت ءُ کشار بے تو ابیتک اَنت شبیر پُل تو گپے زان ئے باندا 13 نومبر اِنت شمئے روچ اِنت ھما بامردانی روچ اِنت کہ زمین ءَ کربان بوتگ انت، شبیر من ءَ پھل کن ترا سالے بیت کہ تو شتگ ئے من ھما اِنت پہ ترا نہ کلوہ دیم داتگ ءُ نہ پہ ترا چیزے نبشتہ کتگ من ءَ پھل کن من ءَ اے امروز ءِ کاراں انچو کتگ کہ من پہ ترا چیزے نبشتہ بہ کن آں شبیر جان ترا گوں وانگ ءُ وتن ءَ سک مھر بوتگ تو مدام گوشت کہ من وانگ لوٹ آں بلے بے روزگاری گلامی ءَ ترا وانگ ءَ موکل نہ دات بلے ترا گلامی ءِ مارشت ءَ ترا کوہ ءُ اگاراں سر کُت تو زمین ءِ مھر ءَ پہ وتی جان ءِ پروا نہ کرت شبیر جان شپ بے وھد اِنت ءُ منی چم واب ءَ چہ پچ بوگ ءَ نہ اَنت دگہ کلو گوشت نہ کن آں کلیں شھیداں سلام کن گوں ۔۔۔ من تئی ھمبل بُلباس بلوچ