ریڈیو زْرمبش بلوچی | ریڈیو زْرمبش بلوچی

پُرانی وشبو ,,,, اُمرمُراد

پُرانی وشبو  ,,,,            اُمرمُراد

SEP

16
16 / 09 / 2022 نبشتانک 103

پاکستانی لشکر ءِ دست ءَ ایوک ءَ یک کسانیں دَمگے بالگتر کیلکور ءِ شھید بوتگیں بلوچ پُسّگ ءُ دگہ ھزار زوراکیانی نیم شلونگے داستانُکے۔۔۔ 2014 ءَ ھاجی آباد ءَ مزار ءِ ھلک ءَ بمبباری بیت مال دلوت لوگ جنگل سُچ انت شش سالی جنکوے واشدہ ءُ دوسالی ماجد نامیں زھگے شھید بنت ، بازیں زالبولے زدّگ بیت اے ھاندان من نہ زاناں اے وھداں کُجا ءُ چے پیم زندگی کنگ ءَ انت ، ھاندان ءِ سرپرست مزارانت یک وھدے آسکانی تُربت ءَ بوتگ انت مروچاں نہ زاناں کُجا در پہ دراَنت گوں ٹپّاں نالگ ءَ اَنت بالگتر کیلکور ءَ شھیدانی لَڈ (1) شھید دو 2 سالی ماجد جان ۔۔۔۔ ھاجی آباد کیلکور (2)شش 6 سالی جنکو شھید واشدہ ھاجی آباد کیلکور (3)شھید سالم جان ولد رحمت بالگتر لوپ۔۔۔۔۔۔(2013) (4) شھید سپاھان ولد ابراھیم سیّدآباد گڈّگی(2016) (5) شھید نیاز ولد آدم چیری گڈگی.... 2017 (6) شھید یاکوب ولد رھیم بکش سیّدآباد گڈگی ۔۔ 2018 (7) شھید موسیٰ فراز ولد شیر مھمدبالگتر لوپ (8) شھید ائیدو ولی ولد مھمد ۔۔۔۔۔بالگتر (9) شھید لونگ ءِ ھان مھمد ,,,ھنگول بالگتر شھید ھیات بُلبُل ولد کمبر ۔بالگتر ھنگول شھید جلال ولد ایسُپ۔۔۔۔بالگتر لوپ (11) شھید اسلم جان ءِ ابابگر,,, درْھمین بالگتر (12) شھید مُراد اکبر ءِ اُمر بالگتر لوپ (13) شھید باھڈ بلوچ ءِ ساھبداد بالگتر (14) شھید اسھاک پنام ءِ رھمین ءِ لال بکش چیری گڈّگی 2020 (15) شھید ساجد آسُمی ءِ چاکر۔۔۔۔۔سیّد آباد گڈگی ۔۔۔۔۔8 دسمبر 2020 کیلکور مادگ ءَ ھیلی کاپٹرانی بمباری ءُ زمینی لشکر کشی ءَ 21 دسمبر 2020 (16) شھید رکّو ءِ مدّت ۔۔۔۔۔۔مادگ کیلکور 2020 (17) شھید اللہ داد ءِ ھالک داد ۔۔۔۔۔مادگ کیلکور 2020 (18) شھید دلجان ءِ مدتّ ۔۔۔۔۔مادگ کیلکور۔2020 21 دسمبر 2020 ء ھاجی آباد ءِ زیارت ءِ سرا ھیلی کاپٹرانی بمباری (19) مُراد مھمد ولد مسکان۔۔۔۔کیلکور (20) عبدُلواھِد ءِ موسیٰ۔۔۔۔۔کیلکور (21) سئیت ءِ مھراب۔۔۔۔ کیلکور (22) ھمزاد ءِ اُمر۔۔۔۔۔۔۔کیلکور 23,, ھساء ,, کیلکور 24 ,,, بُولا,,,, کیلکور 25 ,,, پیری,,,, کیلکور 26,, التاپ ءِ جاڑا,,,, بالگتر لوپ 27,, اسد واھگ ءِ میر سادک,,,, آلی ریک 28 ,,, ناکو شکاری,,, ھنگول بالگتر 29,,, بھار ءِ دوشمبے,,,, ڈائی ئیں ڈَل کیلکور 30 ,,, سالم کریم ءِ کریم بکش ,,, سیّد آباد گّڈگی (31) شھید ھمید ءِ مُلا انور زندان ءَ سزا داتگ تاں مرچیگ ءَ ایوک ءَ کیلکور بالگتر ءِ( 30) سی مردُم ءَ گیش شھید بوتگ ءُ آدگہ ھست ءُ سلامتیں ھمُک مردین آدم لازُم یکبرے گرگ بند کنگ ءُ گار ءُ بیگواہ کنگ بوتگ تاں شش ماہ تا پنچ سال رند آجو بوتگ انت دماگی ءُ جانی ابد مانیں نادُراہ جوڑ بوتگ اَنت ۔ سَدانی ھساب ءَ انگت مردم گار ءُ بیگواہ انت، 80 ھشتاد درسد مردُم الّم یک ءُ دو رند ءَ دست ءُ پاد بستگ انت ،گرمیں پُلکانی تہ ءَ دیم پہ چیر واپینتگ ءُ روچ ءِ چارگ پرماتگ اَنت، سُھب ءَ تاں شپ لٹّ ءُ زاہ داتگ انت ءُ یلہ اش کُرتگ اَنت ھمُک پیر ءُ آجز زھگ ءُ زالبول لَٹشاپ ءُ زاہ ءُ بد کنگ بوتگ بے ھساب جنگل، مچکدگ ءُ لوگ سوچگ بوتگ ۔ ھزاراں مردم لَڈّینگ بوتگ بازیں مات ءُ پت براتءُ گُھار چہ آوار جتگیں مردُمانی گماں ،،ھرٹ اٹیک،،، دلترک بوتگ ءُ مُرتگ انت ۔ کیلکور لبزانکی چاگرد ءِ کتابجاہ ماندارگ بوتگ اسکول ءُ ھسپتال فوجی,, کیمپ ,,بُنجل جوڑ بوتگ اَنت چوکہ کیلکور بالگتر کوچگ ءُ کوھِستگی ھَندے مردُمانی لوگ کرگین ءُ کُڈّک اَنت مردماں اچ ھمے جنگلاں پِیش ءُ دار زُرتگ ءُ گِس جوڑ کُتگ بلوچستان ءِ 70 درسد مھلوک کوچگ ءُ کوھاں نِندوک انت مردماں ھماجاھاں ھلک جوڑ کُتگ انت کہ اود ءَ پہ لانک بوج ءَ جنگل یا شیپ ءُ کَڈ بہ بیت ھلک ءِ یک نیمگے زالبولانی لانک بوج ءِ ھاجت ءِ پیلو کنگ ءِ واستا بیت دومی مردین آدمانی ءُ یک جُدائیں نیمگے پہ مھمان ءُ مساپِراں بلے ھچ وڑیں چاردیواری نیست بلوچ ءِ چادر ءُ چاردیواری ھمے کوہ ءُ جنگل اَنت کہ گْوھرءُ سردی ءَ اچ ھمے جنگلاں دار چِنگ ءُ ماندارگ بنت شپ ءَ وتارا تاپ اَنت ءُ روچاں کوہ دامُناں گوات اندیماں روتاپ کن انَت چہ اے نوکیں 2000 ءِ دوھزار ءِ جُھد ءِ آجوئی ءَ پیسری لُٹ ءُ پُل ءَ سرمایہ دارانہ رواج ءَ بلوچ ءِ کٹّ ءُ کمائی اَنچو پُل اتگ کہ بلوچ ءَ سنگءُ ھاک ءُ سِمٹ ءِ گس جوڑ کُت نہ کُتگ ۔ انوگیں پاکستانی لشکر ھمُک ھلکءِ بُرز تریں کوہ ءِ سر ءَ نشتگ شپ ءُ روچ کیمرہ ءُ دُور گند جتگ انت ءُ جنگل مانداشتگ انت بلوچ وتی آسودگی ءَ دل ءِ میل ءَ لانک ءَ ھم بوتک نہ کنت اے یک نہ سَگّوکیں دردے کہ بلوچ زالبولاں پہ کیمرہ ءُ دور گِند چارگ بیت ءُ شپاں سرچ لائٹ،،، تُرندیں روژنائیں ٹارچ جنگ ءُ چارگ بنت اے پہ بلوچ ءِ زندمان ءَ دوزھیں زندے ءَ چہ کم نہ انت ۔ بلے تنی وھدی یک ھَندی، دَمگی یا ڈنّی انسانی ھکّانی پانگپانے، تاکارے , سیاسی نُمائندگے ءَ اے زورکیانی ایر جنگ ءَ یک لبزے ھم نہ گُشتگ اد ءَ مھلوک پُورھیں زندانے ءَ زند گوازینگ ءَ اِنت ھچ کار وتی تب ءَ کُرت نہ کنت سُھب ءُ بیگاہ وتی ڈگار یا دلوتانی چارینگ ءَ ھم چہ زور گیر لشکر ءَ رزا گِرگ لوٹ ایت ۔ زورگیریں لشکر یا آئی ءِ داشتگیں چِریک گُنڈا ،،،،ڈیتھ اسکواڈ،،، کُجام وھد ءَ گوں مردُماں کُجام زورکی یے بہ لوٹ اَنت کن اَنت، آھاں ھچ وڈیں جُست ءُ پُرسے پر نیست ءُ مردمانی آہ ءُ پریات ھچ رسانکدر ءَ شنگ نہ بنت ھچ اَدل ءُ انساپی اُگدہ دار اے زوراکیاں نبشتہ نہ کن اَنت ءُ ھچ وڑیں لگام ءُ پوستاد اے زوراکاں نیست، اے کِسّہ، کیلکور ءَ ھوارگِچک, گوارگو، واشُک, ھاران, مشکے، جھاؤ، گورکوپ، کُلبر، زامُران، بولان، ڈیرھ بُگٹی، کوھلو، کاھان، سرجمیں بلوچستان ءَ بوھگ ءَ اَنت مردُم گیشتر کہ چہ تُرس ءَ وتی سرگْوستاں بیان نہ کن اَنت دُنیا ءِ ,, تاریخ,, ءِ مستریں زوراکی اے وھداں ماں بلوچستان ءَ بوھگ ءَ اَنت ، ایندگہ دُنیا چو بے زُبانیں دلوت ءَ نِدارہ چارگ ءَ انت، بلوچ بس پہ بے وسی نشتگ ءُ وتی ھنکین ءِ پُراں بو چِنگ ءَ اِنت۔ 2021 ءِ بنداتی ماھاں لشکرکشی بیت کہ اے لشکر کشی ءَ یک دَرزنے ءَ چہ گیش زالبولاں گوں بد کاری کنگ بیت یک درزنے ءَ چہ گیش ھلک لڈّینگ بیت ھمے لشکر کشّی ءَ پیری نامیں گیرت مَندیں بلوچے وتی زالبولانی سر ءَ زوراکی ءُ بدکاری ءِ نہ منّگ ءَ مُزاھمت کنت وتی پیش بُریں کارچ ءَ زوریت یک ناپاک لشکری یے زدّگ کنت پدءَ لشکر پیری ءَ آوار جنت ھزار رنگیں آزار دنت ءُ شھید کنت ھمے لشکر کشی ءَ ھاجی آباد ءِ زیارتے ءُ مُراد نامیں بلوچے ءِ ھلک بمباری کنگ بنت نو بلوچ مردین آدم شھید بیت بازیں زھگ ءُ زالبولے زدّگ بیت ءُ مادگ کؤر ءَ لشکر ھساء ءُ بُولا نامیں دو بلوچ ورنا رَگبار کن اَنت ءُ شھید کن اَنت، ھساء ءُ بُولا پیسر ءَ شھید بوتگیں رکُو ءُ دلجان ءِ کھول ءِ مردُم بنت ءُ چیزے وھد پیسر ھمے کھول ءِ پنچ زالبول چہ کولواہ بدرنگ ءِ کوہ ءِ توک ءَ آوار جن اَنت تاں ھپتگے ءَ گیش ھوشاپ ءِ,, مزنیں بُنجل بلوچستان کیمپ ءَ ,,, زندانی کنگ بنت, چہ کیلکور ءِ بازیں ھلکاں لڈّینتگیں در پہ دریں مردُماں یکے تاج بی بی نامیں زالے ماں تُربت آسکانی ءَ ناپاک لشکر رگبار کنت ءُ شھید کنت ءُ دگہ دو گْونڈلیں زھگ ماں ھوشاپ ءَ ماٹر گولایے ءِ اَرجان بنت ۔ اے بازیں زورکیاں کیلکور ءِ لھتیں مردُم واجہ رھمت نامیں بلوچے ءِ سروکی ءَ گوں بازیں زھگ ءُ زالبولے ءَ ماں تُربت رسانک گِس ءِ دیم ءَ وتی پریات ءَ ماں دُگنیا ءَ سر کن اَنت بلے بلوچ ءِ درد ءَ کے گوشدار ایت۔۔؟ انچو کہ چندے سال ءَ پیش بلوچ ءِ شائر اتا شاد ءَ وتی شیرے ءِ تہ ءَ ھمے وڑ گُشتگ بلوچ مرچی ھما ھال ءِ تہ ءَ اِنت۔ ،،،، کینگ ءُ کست ءِ جمبراِنت نَپت شلیت ءُ ھار کنت وائے گِدان ءِ نِشتگیں گوات ءَ کن ئے سپر وتی،،،، ,,, دسمبر 2020 ء,,, ستمبر 2022ء