ریڈیو زْرمبش بلوچی | ریڈیو زْرمبش بلوچی

نبشتکار: شکاری بلوچ بنی آدم چوں شکست ءَ دوچار بیت ؟ بنی آدم ءَ را بلکیں وَت شکست دِیگ بیت انت، آئی ءَ وتی جند ءِ هستمان آئی ءِ وتی جند ءِ چاگرد شکست دیگ پرمائیت۔ اگاں ما ِ ابرم (قدرت) ءَ بہ چار ایں گڑا چَہ اِبرم ءَ بنی آدم هچ وڑیں چیزانی دیم ءَ شکست نہ وارت بلکیں بنی آدم ءِ واستا اے بس کسانیں چکاسے۔بلے وهد گوازاں بیت گڑا همے تئی جند ءِ چاگرد ءِ ته ءَ لھتیں نازانتکاریں مردم ھست اَنت،گڑا همے سوج دینت کہ اگاں يک بنی آدمے يک کارے ءِ ته ءَ شکست بِہ وارت گڑا آ هچ وڑیں کار کُت نہ کن اَنت۔ بلے سارتر ءِ گُوَشتنے۔۔۔۔ (شکست هما وَهدی بُوت کنت ،وهدے کہ تو وت ءَ را وَت شکست وارتگیں مردمے بہ لیک ئے گڑا بِزاں تو شکست وارتگ۔) بہ چار يک پلاسپرے اے گپ ءَ کنگ ءَ اِنت۔۔۔ اگاں من ءُ تو کمو بس وتی آگل ءِ ته ءَ بہ سوچ ایں،ایشی ءِ بزاں سارتر ءِ گپ مئے مجّگ ءَ کیت انت۔ منی هیال ءَ اے گپ پَدر اِنت ،کہ مُدام شکست ترا دیم ءِ مردُم دنت ،اگاں تو وت ءَ را مھکم کُت گڑا تو شکست وارت نہ کن ئے، اگاں ناں تو وت ءَ را سبُک کُت گڑا ترا يک کسانیں گُوَاتے هم دگہ جھانے ءِ تھ ءَ بارت۔۔۔ شکست اے نہ اِنت کہ تو يک کارے ءِ چکاس ءَ چہ شکست وارت تو وت ءَ را شکست وارتگیں لِیک ئے۔ بلکیں تو کوشست بہ کن ترا اَلم آ چیز دست کپ ایت۔ اگاں تو کوہ اَلّبُرز ءِ سر ءَ سرکپگ لوٹ ئے تو شُت کن ئے بلے گپ پد ءَ هما اِنت وت ءَ را شکست وارتگیں مہ لِیک۔ تو اگاں کوہ اَلّبُرز ءَ روَگ لوٹ ئے تو بلکیں هزار رند ءَ سرکپے ایرکپ ئے کپان سَر کپان بہ ئے بلے تو گڈی ءَ وتی منزل ءَ رس ئے، بلے ترا برداشت کنگی اِنت۔ اگاں تو وتی چاگرد ءِ گپ زُرت اَنت ءُ وتی جند ءِ هستمان ءِ گپ زُرت اَنت گڑا تو کوہ ءِ اَلّبُرز ءَ سرکپگ ءَ ساری تو سر کپت کن ئے۔ اگاں تو وتی جند ءِ ھگل ءِ گپ زُرت گڑا تو کامیاب بہ ئے۔ اگاں ناں تو گڑا کدی هم جُنزاں کت نہ کن ئے،بلے کدی هم وت ءَ را شکست وارتگیں مردُمے مہ لیک بلکینگ ءَ دیم ءَ جُنزاں بو ءُ ھر دابیں ارانڈ گوں جوانی ءَ دیمگیر بو گڑا منزل الم دست کہ ایت۔۔۔