ریڈیو زْرمبش بلوچی | ریڈیو زْرمبش بلوچی

آجوئی ءَ وتی جان ءَ سر گْوز آں نبشتہ کار: شھید ڈاکٹر منّان بلوچ رجانک کار: یاسر بلوچ

آجوئی ءَ وتی جان ءَ سر گْوز آں   نبشتہ کار: شھید ڈاکٹر منّان بلوچ  رجانک کار: یاسر بلوچ

NOV

26
26 / 11 / 2022 نبشتانک 98

یک دگہ جونے درنجگ بوت، 31 رمس ءَ بیلہ ءَ راہ ءِ سر ءَ پہ راجی مول ءُ مُرادانی سرجم کنگ ءَ بلوچ راجی زرمبشت (بی این ایم) ءِ کمک کار گُشاد رسول بکش بلوچ ءِ آزار داتگیں جون درنجگ بوت، ریاست ءِ ادارہ اے چہ اے وڑیں گامگیجاں یک تُرسے ودی کنگ ءُ پہ راجی آجوئی ءَ جھد کنوکیں گَل ءُ  گَلانی باسکاں چہ وتی مول ءُ مُراداں گستا کنگ لوٹ اَنت، انچوش کہ ھبیب نور انگریزاں ھِندوستان ءِ آجوئی ءِ جھد ءِ وھد ءَ آپ ءَ دَور دات ءُ کُشت، یک آشوبی باسکے ءَ وتی شھیدی ءِ سر ءَ گوشتگ اَت کہ منی ھون ءِ ھمُک تَرمپ آشوب ءِ دروشُمے کار ایت ءُ جنگ ءِ وتی رواجاں روان کنت ءُ ترا چہ دُرسیں ھیالاں چہ دور بارت، ھمے وڑ ءَ شھید رسول بکش مینگل ءِ شھیدی ءَ بلوچ ءِ آجوئی ءِ کاروان ءَ گیشتر توانمندی ءُ جوزگ دات۔ پرچہ کہ اے کاروان ءَ ھواریں مردم راستی ءَ شرّی ءَ زان اَنت ءُ سرپد اَنت کہ دژمن ءَ بےسوب کنگ ءُ ھلاس کنگ ءِ جوزگ ءُ جھد سرانی دیمونی دیگ اِنت۔ پَسّنی ءِ یک زھرشانی یے ءِ وھد ءَ بلوچ جھدِ آجوئی ءِ منگھیں سروگ شھید گلام مھمد ،پلستینی رھبر شیک اھمد یاسین ءِ یات داتگ ات ءُ گوشتگ ات کہ "بوت کنت کہ پلستین ءَ دومی مردماں اسرائیل ءِ زوراکی ءِ مرگ ءَ چہ تُرس بہ بیت بلے من ءَ تُرس نیست پرچا کہ منی مرگ منی راج ءِ زندگ بیگ اِنت" آئی وتی ورنائی پہ راجی آجوئی ءِ  جھد ءَ پہ دیمونی کرت ءُ بَگت سِنگ ءِ گْوستانکی دانکانی یات دات، ما وتی ورنائی لوھان ءِ وڑ ءَ آشوب ءِ کُشت ءُ کوش ءِ جاہ آؤرتگ۔ گْوش اَنت کہ گْوستانک پُشت ءُ دیم بیت ءُ راستی ءِ پٹ ءُ پول ءَ چہ بندات ءَ بِگر داں انوں ھمک مردم ھمے وڑ ءَ پہ شانے دیمونی بوتگ، پمیشکا سیزر گْوش ایت کہ "اے ارواھانی زندگ کنگ ءِ وڑ ءَ اِنت"۔ نواب ھیر بکش مری ءَ وتی یک گلگدارے ءَ گوشتگ ات کہ "پہ زمین ءَ سلاہ دَور مدے ءُ بے سوبی ءَ گچین مہ کن، پہ آجوئی ءَ جنگ بہ کن" ویتنام ءِ یک مزنیں آشوبی سروک  نگوین تروی ءَ وتی سینگ ءَ آزارانی سگگ ءَ پد ھم ویت نام زندآباد ھوچی منھ زندآباد ءِ اوگام جتگ، رسول بکش بلوچ ءَ ھم پہ گُلزمین ءِ مھر ءَ ھر وڑیں آزار سگّ اتگ بلے وتی جھد برجاہ داشتگ، ھمے مُھکمیں توانمندی اِنت کہ راجاں زندگ کنت، آشوبی لیکہ ءِ سر ءَ جنگ پہ مردمانی دیمونیاں ھلاس نہ بنت بلکیں گیش توانمند ءُ پہ مُھمکی وتی منزل ءِ نیمگ ءَ راھی بنت۔ ۔۔۔۔۔ ریاست زوراکی ءِ سلاہ ءَ پہ وتی زورگری ءِ برجم دارگ ءَ کارمرز کنت، شھید رسول بکش بلوچ 29 مئی 1967 ءَ واجہ امیر بکش ءِ گِس ءَ نواب شاہ ءَ ودی بوتگ، آئی ءَ دہ تبک ءَ ھزدار ءِ مزن وانگجاہ ءَ دربُرتگ، ھمے وھد ءَ بے اُگدہ ءَ گوں بلوچ نودربر گل (BSO) ءَ بندوک بیتگ۔ لینن ازم ،مارکس ازم ئِے ونتگ اَنت، ایپ ایس سی چہ ھزدار ءِ ڈگری زانشتجاہ ءَ کرتگ، 1988 ءَ بی این ایم ءِ نام ءَ بلوچ راجی سْیاست بندات کنگ بوتگ اَت گڑا ھزدار ءُ نال ءِ نزیک ءُ گْوراں پہ گل ءِ کاراں پُرکار بیتگ اَت، لھتیں وھداں بینک ءَ نوکری ئِے کرتگ، بلے ھمبلانی واھشت ءِ پد ءَ وتی گس نیزگاری ءِ جاوراں یل دات ءُ سیاست ءِ جھلی بُرزیانی گیش ءِ گیوار کنگ ءَ دلگوش بوت۔ 2003 ءَ وھدے شھید گلام مھمد ءَ پہ راجی آجوئی ءُ در پارلیمانی سیاست ءِ بنیاد ءَ بی این ایم ءِ بنجاھی پتر جوڑ کُرت، گڑاں شھید رسول بکش مینگل آئی بھرے بوت، 2004 ءِ کونسل سیشن ءَ  بنجاھی باسکے گچین کنگ بوت، اے وھداں آ دزگیر کنگ بوت بلے آ پدکِنز نہ بوت۔ وھدے ڈاکٹر اللہ نزر ءَ 2005 ءَ  پاکستانی لشکر ءِ دست ءَ بیگواہ کنگ بوت ءُ شھید رسول بکش مینگل ءَ وتی دومی ھمبلانی ھواری ءَ ھزدار ءَ زھرشانی کرت ءُ روانک کش اِت،مُچھی برجم دارگ ءِ ھواری ءَ بلوچستان ءِ گْوستانک ءَ 17 اکتوبر ءَ ھزدار ءَ داں کراچی ءَ روانک ءِ جار ئِے جت ءُ راہ ءَ گوں بازیں ناگیگیں جاوراں دوچار بوتگ ،آئی ءِ ھمبلانی دپگُپت ءَ سپر ءِ میان ءَ مالی جیڑہ ءِ سْوب ءَ داں دو روچ ءَ آئی گُژنگی ءَ پند بُرّ اِتگ بلے گوں وتی جوانمردی ءُ مُھکمی ءَ 15اکتوبر ءَ کراچی پریس کلب ءَ سر بوتگ ءُ شُدکشیں زھرشانی ءَ ھوار بوتگ۔ 2006 ءَ وھدے چیئرمین گلام مھمد چہ کراچی ءِ لیاری ءَ چیریں ادارھانی کارمَنْداں بیگواہ کرت، دومی نیمگ ءَ شھید لالا منیر ھم آوار جنگ بوت گڑاں کابینہ ءِ ساڑی نہ بیگ ءَ پد ھم شھید رسول بکش ءَ بی این ایم پھریز اِت۔ جولائی 2008 ءِ کونسل سیشن ءَ کمک کارگشاد گچین کنگ بوت،ناگیگی ءَ ابید ھم بی این ایم ءِ ھمک مراگشاں ھوار بیتگ۔ 14اگست ءِ روچ ءَ شھید رسول بکش ءَ چہ بیلہ ءَ پاکستانی لشکر ءِ کارمَنداں آوار جت ءُ  31 اگست ءَ آئی ژانگولیں جون بیلہ یک درچکے ءَ درنجوک ءَ دزکپت، درچک ءَ لونجانیں آئی ءِ ژانگولیں جون ءَ ویتنام ءُ الجزائر ءِ زوراکی ءِ یات تاجگ کرت اَنت، زھگ ءِ جون ءِ دست گرگ ءِ وھد ءَ آشوبی کامریڈ شھید رسول بکش مینگل ءِ مات ءِ گْوستانکی" منی زھگ ءَ پہ بلوچ سرڈگار ءِ آجوئی ءِ جھد ءَ کرد ئِے اَدا کتگ ءُ منی داتگیں نازینک ءُ  شیر ءِ ھک ئِے ادا کرتگ، اگاں اے جھد ءَ منی درسیں زھگ دیمونی بنت من ناز کناں" دژمن ءَ زوراکی ءِ سر ءَ رسول بکش مینگل ءَ شھید کنگ لوٹ اتگ بلے آئی ءِ ماس ءَ اے داں ھزاراں رسول بکش ودی کرت، ایشی ءَ  گوش اَنت آشوب،ھچبر آجوئی ءِ جُھدکاراں نزور سرپد مہ بہ اِت۔۔۔ آ بے سلاہ ءَ ھم جنگ کرت کنت من کہ اے گلامی ءِ آچ ءَ سُچگ ءَ آں پہ آجوئی ءَ چہ جان ءَ سر گْوز آں۔۔۔۔ ۔۔۔۔۔۔۔۔۔