ریڈیو زْرمبش بلوچی | ریڈیو زْرمبش بلوچی

شھید زیا الرھمان پنّام دلجان نبشتہ کار :- دوستین لاسی رجانکار : دیگر کُلبری

شھید زیا الرھمان پنّام دلجان  نبشتہ کار :- دوستین لاسی رجانکار : دیگر کُلبری

NOV

17
17 / 11 / 2022 نبشتانک 86

زیاالرھمان پنّام دلجان من ءَ پھل کن من تئی پجارگ ءَ دیر کُت نو منی ءُ تئی یکجائی ھب چوکی دمک ءُ دراں نہ بیت بَلے لسبیلہ ءُ ھب چوکی وش بھت اَنت کہ تو اود ءَرستگ ءُ نوجوان بوتگ ئے، ھب چوکی ءِ دمک ءُ در ترا یات کنگ ءَ اَنت۔ بیست پروری ءِ سُھب ءِ سر ءَ گوانکو ءِ دامگ پچ کُت پیسبُک ءِ چارگ بِنا کُت تئی اکس من دیست من ھیران ءُ ھبکّہ بوتاں اناگہ ءَ من ءَ اے باور نہ بوت کہ اے مئے ھب چوکی ءِ زیالرھمان اِنت بلوچستان ءِ نامداریں جُھد کاریں ٹک تیریں زیاالرھمان زھری اِنت بَلے مئے بد کسمتی ءَ بہ چار زیا الرھمان اِد ءَ کل ءُ کسارت کَنگ نہ بوت پرچا کہ گوں مارا رنج اَت کہ لسبیلہ ءِ مردم ڈیھ ءَ گوں مُھبت نہ کن اَنت، زیا الرھمان ءَ اے وڑ نہ جیڑ اِت آ مزنیں پگرے ءِ واھُند اِنت آ ھندی تلب داری ءَ چہ پلگار ات ءُ ڈیھ ءِ آشکے ات من چہ شھید جاوید نسیرءُ شھید سمدءُ شھید زیا الرھمان ءَ چہ بازیں چیزے دربُرتگ بَلے من چہ شھید زیاالرھمان ءَ چہ ھما چیز دربُرتگ کہ من ءَ داں زندگی ءَ ھمت دے اَنت۔۔ منی گوں شھید زیا ارھمانءَ گوں دُچاری مہ بوتیں من مرچی دژمنیں گلے ءِ باسکے بوتگ اِتاں۔۔ جام بھوتانی یاکہ رجب ءُ لالا مجید ءِ دیوانگ بوتگ اِتاں بَلے زیا الرھمانءُ بی ایس او ءِ دیواناں من ءَ زانت داتگ زیا الرھمان ءَ گوں گُڈی دُچاری اندازگ چار سال ءَ پیش بوتگ ات ءَ جُما ھوٹل ءَ سر زاھری نہ نشتگ من سرپد بوتاں زیا الرھمان چہ سیاست ءِ تلو ءَ دُور رپتگ اَت ،چار سال ءَ رند مرچی من ءَ یک اکسے ءَ بدل کُت۔۔۔ زیا الرھمان ! لسبیلہ الم جیڑ ایت چے ءَ کہ لسبیلہ بلوچستان ءِ آھوکیں ٹکانی وش رنگیں پُل اِنت لسبیلہ ءِ مزدوریں نودربراں سیاسی مردماں من الم اے گُشاں اِد ءَ چہ دری اتکگیں پنجابی یا آ دگہ سرمادار ھمے دہ دوازدہ سالاں مارا ھمے سوب ءَ دوازدہ ھزاری نوکری دے اَنت ءُ پیداک اَنت ، پرچا کہ زیا الرھمان ءِ وٹیں نوجوانانی توپنگانی تیراں مارا اِے شرپ بکش اِتگ، بلے جام بھوتانی ءِ وڑیں سیاسی پاٹیاں مئے دیر اِنت سودا جتگ، مارا انسان کجا چہ جانور ءَبدتر سرپد بنت۔۔۔ دل گُش ایت زیاالرھمان باز نبشتہ بہ کن بَلے نبشتہ کَنگ ءِ ھمراھی ءَ تئی مزنیں کلو ءَ سر ء بازار کن آں، من ءَ یات اِنت، 2011 ڈگری کالج ھب ءِ بی ایس او ءِ دیوان ءَ سنگتے ءَ گُشت " اے ھلک ءِ مردم کدی ھم اِے جنزہ ھوار نہ بنت" من گُشت " تو رد گُشگ ءَ ئے" آئی ءَ گُشت "من دوسالیں یکیں لاسی ءَ آں کہ دیواناں کایاں دگہ پرچا کس نئیت؟ ھالانکہ من وتی واھشتے ءِ واستا دیوان ءَ نشتگاں " من ھما سنگت ءَ گوں زار بوتان ءُ چہ دیوان ءَ پاد اَتک آن ءُ شتاں ۔ پَد ءَ ھب ءَ چہ بازیں سنگتے شھید بوت ، آیانی تہ ءَ آبد الی موٹک ھوار اَت، آ ھمد ءِ جاھمندیں لاسی ٹک ءَ چہ زانگ بوت۔ پَدءَ 2013 منی ھمے سنگت ءَ گوں ھال ءُ اھوال بوت من ءَ گُشت ئِے دوستین من ءَ پھل کن اے جُھد مئے ءُ شُمئے دُرستانی اِنت، اے راج ءِ مکرانی ، مینگل ، زھری مری بکٹی، رونجہ موندرہ درستانیگ اِنت۔ من وتی گپّانی ھلاسی ءَ پیسر ھمینچک گش آں کہ نو جاور بدل بوتگ اَنت، بَلے نو ھما دیوان پچ نہ بنت، پرچا کہ منی کر ءَ مرچی تپنگ ءُ برات نیست بَلے زی من موندرھے اِت آں، بلے مرچی منی کر ءَ ھم ھیالیں کالج ءِ چنچو سنگت ھست ما ھمے سنگت دُرست یکجاہ ءُ یک مُشت بہ اِین ءُ لبیسلہ ءَ شھید زیا الرھمان ءِ کلو ءَ سر ء بازار کن اِیں ۔۔۔۔۔