ریڈیو زْرمبش بلوچی | ریڈیو زْرمبش بلوچی

نمدی یے پہ سردار اکتر مینگل ءَ نبشتہ کار:- بُلباس بلوچ

نمدی یے پہ سردار اکتر مینگل ءَ  نبشتہ کار:- بُلباس بلوچ

NOV

19
19 / 11 / 2022 نبشتانک 85

دروت ءُ درھبات ئے امیت انت ، تو وش ءُ جوڑ ئے من وش ءُ سلامت آں اے وھد شپ 10 بج اِنت من جیڑگ ءَ آں کہ تو چونیں رھشونے ئے ءُ تو چونیں انسانے ئے؟ تئی من گوستانک ءَ گند آں من ءَ بژن بیت کہ تو یک شریں کارے ھم نہ کرتگ ، آدگہ سردار اں مئے دل ایکیم اِنت بلے تو ھما سردار ئے کہ تو مدام دو تل ءُ دو پوستی کن ئے ترا یات اِنت کہ تو 1998 ءَ بلوچستان ءِ سر وزیر ات ئے تئی وھد ءَ چاگی ءِ دل بند ءَ را تو دست ء وت برباد کُرت پد ءَ ھمے گوشت کہ من ءَ ھبر نہ بوتگ ءُ اگاں ترا کس ءَ جست نہ کرتگ ءُ ترا چشیں بستارے نیست اَت گڑا تو پرچا سرکار یل نہ کُت گڈی تو اکبر بگٹی ءِ شھیدی ءَ پد تو ھان کلات ءِ سروکی ءَ دیونے اڈ دات کہ من بلوچستان ءِ آجوئی ءَ جھد کن آں ھما کول ءُ اکرار تئی کجا شت اَنت؟ ھما کہ تو لشکر بلوچستان جوڑ کرت کہ من پہ بلوچستان ءِ آجوئی ءَ جھد کن آں تو گوشت کہ من شال ءَ روانکے کشاں داں گوادر ءَ رواں ھما تئی گپ چون بوت اَنت۔؟ بس درست تو بے ھال کرت انت، تو 2018 ءِ گچینکاری ءَ گوشت کہ من گار ءُ بیگوھیں بلوچاں یل کن آں ما نہ دیست ،کس یلہ نہ بوت اگاں یکے یلہ بوت گڑا دگہ دہ گرگ بوت ءَ دروگیں میڑے ءِ نام ءَ ھزارانی کچ ءَ بلوچ کشگ ءُ دور دیگ بوت، نشتر نادراہ جاہ ءَ پنچ سد ءَ گیش لاش دست کپت کہ آیانی تہ ءَ گیشتر مردم ءِ پوشاک چو بلوچانی وڑ ءَ ات اَنت آ بے وارسی ءَ پہ کل ءُ کسارت کنگ بوت اَنت ، تو گوں مسلم لیگ ءَ سرکارے جوڑ کرت۔۔ کراچی ءَ بلوچ زالبول دگانی سر ءَ گر کنگ بندیگ کنگ بوت اَنت ،نو تو گاریں مردمانی پتر ءِ سروک ئے امیت اِنت تو شریں وڑے ءَ کار کن ئے ءُ تو ھما ماس ءُ پسانی درداں مار ئے کہ بچ اِش بند اَنت ما کھریں زندان ءَ ھما چکانی درداں مار ایں کہ پہ وتی پس ءِ دیدار ءَ تلوس اَنت اکتر جان اے درد تو گوں وت ءَ دیستگ کہ تئی براس اسد اللّہ مینگل انگت بیگواہ اِنت بس دگہ باز گوشت نہ کن آں بس ھمے گوش آں ھمنچو بہ کن کہ چو مہ بیت باندا تئی زھگ ءُ نواسگ تئی نام ءِ گرگ ءَ لج بہ کن اَنت ،شھید اکبر ھان بگٹی ءَ راست گوشتگ کہ" اکتر مینگل کاگدی شیرے "راج دپتر کس ءَ نہ بکش اِیت تو گلامیں راج ءَ رد دیگ ءَ ئے الم تئی اے کردار راج دپتر ءَ نکش بنت تو آیوکیں گچینکاری ءَ چے دروگ بند ئے تو چوں کوم ءَ را رد دے ئے۔؟ بُلباس بلوچ