ریڈیو زْرمبش بلوچی | ریڈیو زْرمبش بلوچی

بلوچ ھما راجانی لڑ ءَ ھوار اِنت کہ آیاں ھر ساھت ءَ جنگ دیستگ جنگ کنان ءُ پیداک بوتگ اَنت ءُ زوراکیانی آماچ بوتگ اَنت ، بلوچ داں روچ ء مروچی ھم پہ وتی سرڈگار ءُ راج ءِ ایردستی ءِ ھلاپ ءَ اِستان پاکستان ءِ گوماں یکشل ءَ جنگ کنان اَنت چوناھاں گلامیں راجانی واستا جنگ ءَ ابید ھچ ارزشت نیست، پمیشکا بلوچ ءَ جنگ زُرتگ ءُ گلامی ءَ چہ ھُنڈالاں ولگوج کنگ ءَ پہ دیمونیانی سوبمندیں ناماں کَٹؔان اَنت۔۔۔۔۔

ھمے رنگ ءَ شھید ودار جان داں من ءَ یات کنت وتی سُد گور کُتگ اَت ءُ وتی زمین ءِ گلامی ءُ راجے بزگی ئِے مار اِتگ اَت گڑا وانگ ءُ زانگ ءِ پڑ ءَ ھوار بوان رُست ءُ لائک بوت ودار ءِ وڑیں سرپدی ئیں سنگت پہ آجوئی ءِ جُنز ءَ مدام ساڑی بنت وھدے تئی راج گلام بیت تئی زمین ایردست بیت گڑا ترا الم پہ وتواجھی ءَ کِشکے شوھاز کنگ کپ ایت۔۔۔۔

کس ءَ نزانت چہ کُجا کدی ودارو سِلاہ بندیں بلوچ آجوئی گل ءَ ھوار کپتگ اَت بلے ھو جنگی بچکے اَت من ءَ یات اِنت من ودار جُست گپتگ اَت کہ ودارو وانگ ءَ پد مردم چے بہ کنت اِد ءَ ھچ وس نیست ودار ءَ گُشتگ اَت جگر من تو گلام این ءُ گلام ءَ بس ھمنچو وانگی انت کہ آئی ءَ وتی گلامی ءُ بزگی ءِ سما بہ بیت ءُ گوں زمین ءَ اِشک بہ بیت گڑا آئی ءَ آئی ءِ سرڈگار ءِ پاکیں کوہ وت کشک ءِ شون دے اَنت ودار بلوچستان ءِ اے کوھاں پہ بلوچ زمین ءَ کُنگرے جوڑ بوت ءُ پہ دژمناں آس ءُ اَنگر ئِے کت مروچی بلوچ پُسگ سرپد ِ اِنت کہ مارا چے کنگی اِنت مروچی دژمن ھمینچو ترس ءِ آماچ اِنت نزانت کجام شمگ ءَ وت ءَ چیر بہ دنت

من ءَ یات اِنت واجہ شھید گلام محمد بلوچ ءَ گُشتگ اَت کہ اگاں بلوچ پہ وتی زمین ءِ رکینگ ءَ پاد نیتک اَنت گڑا باندا بلوچستان پہ بلوچاں تنگیں زمینے جوڑ بیت چُش کہ کراچی ءُ گوادر اِنت بلے مروچی من پہ پھر گشاں کہ بلوچستان پہ پاکستان ءَ تنک ءُ تھار ءُ کربلاہ جوڑ بوتگ۔۔۔۔ ودار سرپدیں ءُ نہ ترسیں سر مچارے اَت بس مدام ھمے ھیالاں گوں چیر ءُ سر اَت کہ من ءَ دژمن پروش دیگی اِنت من ءَ پہ بلوچستان ءَ باز کنگی اِنت مدام سنگتاں یکجاہ کنگ ءَ ات مدام گوں جنگ ءَ گلائیش اَت بلے پُشت نہ بوت من ءَ پھر اِنت تئی سالونکیں سر ءَ تو پہ راج ءَ پہ زمین ءَ ودی بوتگ ئے ءُ زمین وتی سالونکاں امبازاں زور ایت ترا ھم زُرت ئِے۔۔ ساہ مراد بات ترا سالونکی ۔۔۔۔

ودارو تی شھیدی ءَ چہ پد ھرچ وشی ءِ کہ ھست درست گوات ءَ ھوار بوت اَنت بلے تی پگرانی وشبو ماں کوھسراں اَنگت تالان اِنت اَنگت دژمن ھلاس اِنت ھر کُنڈ ءَ بربادیانی آماچ اِنت کُربان داں یک بلوچے مان ایت اے جنگ روان کنت ءُ دژمن ءَ وران کنت ،بلوچ ءَ ھون دیست ، بلوچ ءَ لاش دیستگ بلوچ ءَ زندان ءُ ھزابی ءُ گُژنگی دیستگ بلے بلوچ پُشت نہ بوتگ ھمد ءَ دژمن ھلاس اِنت کہ ایشاں من چوں کنٹرول بہ کناں سلام اِنت بلوچ سرمچاراں کہ جُنزان اَنت ودار ما اَنگت ھما کِشک ءَ جنزانیں ھمراہ مٹ اَنت بلے کشک ھما اِنت پگر ھما اِنت بس ودارو ودار بکن داں منزل ءِ گڈسر ءَ دوچار بہ کپ ایں۔۔۔