ریڈیو زْرمبش بلوچی | ریڈیو زْرمبش بلوچی

مچ ءَ زور بیگواھیں ودود ساتکزھی ءِ گھار گلزادی گوں دگہ گھارے ءِ ھواری ءَ سے ھپتگ بیت کہ پولیس گِس ءَ بندیگ اِنت۔

مچ ءَ زور بیگواھیں ودود ساتکزھی ءِ گھار گلزادی گوں دگہ گھارے ءِ ھواری ءَ سے ھپتگ بیت کہ پولیس گِس ءَ بندیگ اِنت۔

OCT

27
27 / 10 / 2022 مزن ھور 25

مچ: چیریں ادارھانی کامَنْدانی دست ءَ زور بیگواھیں ودود ساتکزھی ءِ گھار گلزدای ءَ گْوَستگیں سے ھپتگ بیت کہ گوں دگہ گھارے ءِ ھواری ءِ مچ پولیس گِس ءَ بندیگ اِنت۔ بنشون ءِ رد ءَ ودود ساتکزھی ءَ چیریں ادارھانی کارمَنْداں 12 اگست 2021 ءَ چہ مچ بولان ءَ آوار جنگ ءَ پد بیگواہ کرتگ۔ گلزادی ءَ پہ وتی بْرات ءِ زور بیگواھی ءِ بگیری ءَ توار چست کرتگ ءُ چیریں ادارھانی کارمَنْدانی نام ءِ دیم ءَ آرگ ءِ سوب ءَ بندیگ کنگ بیتگ۔ گوں گلزدای ءَ ھوار دومی بندیگیں جنین ءِ نام انگت ءَ زانگ بیگ ءَ نہ اِنت۔ مچ پولیس ءِ دست ءَ گلزدای ءِ بندیگ کنگ ءِ گپ بیگواھیں بلوچانی توار ( وی بی ایم پی ) ءِ شال ءِ رھوتدار ھواران بلوچ ءَ چاگردی رسانکدر پیسبُک ءَ پوسٹ کرتگ ءُ آئی اکس ھم شنگ کرتگ۔ بنشون: دمگی اھوالکار | اکس: رسانکدر