ریڈیو زْرمبش بلوچی | ریڈیو زْرمبش بلوچی

مستونگ ءَ گیس ءِ کمی ءِ بگیری ءَ مردماں زھرشانی ءَ دگ بند کرتگ۔

مستونگ ءَ گیس ءِ کمی ءِ بگیری ءَ مردماں زھرشانی ءَ دگ بند کرتگ۔

NOV

20

مستونگ: گیس ءِ کمی ءِ بگیری ءَ مردماں زھرشانی ءَ نواب ھوٹل ءَ شھدگ بند کرتگ۔ دگ ءِ بند بیگ ءَ گاڑیانی مزنیں کتارے دوئیں نیمگاں اوشتوک اِنت چہ ھور ءُ سارتی ءَ مساپر سک ءَ جنجال اَنت۔ زھرشانی ءَ مستونگ ءِجتا جتاھیں ھندانی سانمندیں مردم آتکگ ءُ بھر اِش زْرتگ۔ آیاں واکدارانی نابودی ءِ بگیری ءَ اوگام جتگ۔ زھرشانی کنوکیں مردمانی گوشگ اِنت کہ جتا جتاھیں ھنداں دراجکشیں وھدے بیت کہ گیس کم اِنت ءُ نیستی ءِ وڑ ءَ اِنت ھندی مردم سارتی ءِ موسم ءَ سک ءَ جنجال اَنت۔ ھندی واکدار پہ گیس ءِ جیڑہ ءِ گیش ءُ گیوار کنگ ءَ نادلگوش اَنت۔ آیاں گوں سرکار ءَ لوٹ کرتگ ءُ گوشتگ کہ مئے جتاھیں ھندانی گیس شر کنگ بہ بنت۔ دانکہ مئے جیڑہ گوش دارگ ءُ جیڑھانی سر ءَ گامگیج زورگ نہ بیتگ مئے زھرشانی برجاہ بنت۔ بنشون: اھوالکار | اکس: اھوالکار