ریڈیو زْرمبش بلوچی | ریڈیو زْرمبش بلوچی

12 سال ءَ پد نسر اللہ پاکستانی لشکر ءِ آزار جاہ ءَ آجو بیتگ، چہ بازیں آزاراں یاداشت ئِے شُتگ

12 سال ءَ پد نسر اللہ پاکستانی لشکر ءِ آزار جاہ ءَ آجو بیتگ، چہ بازیں آزاراں یاداشت ئِے شُتگ

OCT

15
15 / 10 / 2021 بیگواہ 102

مشکے: 12 سال ءَ پد چہ پاکستانی لشکر ءِ آزار جاھاں بیگواھیں نسراللہ جھمنند نوکجو مشکے آئی ءِ براس ءَ چہ سر ءِ نشان ءَ پجارتگ۔ 12 سال ءَ پاکستانی لشکر ءِ آزار جاھاں بند بیگ ءُ بازیں آزاراں نسر اللہ ءِ یاداشت شتگ ءُ بے سار اِنت۔ آئی ءِ جان ءَ زوراکی ءِ بازیں ٹپ ئِے ھست۔ نسراللہ ءَ ھپتگے بیت کہ مردماں گوں ھمے جاوراں دزکپتگ، آئی ءَ وتی بابت ءَ ھچ نہ گوشتگ ءُ بے توار بیتگ۔ اے بلوچستان ءَ دزکپتگیں چہ ھما پنچیں مردماں یکے کہ چہ بازیں آزاراں یاداشت ئِے شُتگ،وتی نام، کھول ءُ جاگہ ءِ نامے شموشتگ اَنت۔گوں چوشیں جاوراں آجو بیتگیں بازیں مردمانی بابت ءَ سرپدی نیست کہ آ وتی کھول ءِ دست ءَ کپتگ اَنت یاں انا۔ نسراللہ ءِ برات ءَ رسانکدر ءِ بنشون ءَ نسراللہ ءِ بابت ءَ سرپد بیتگ کہ آئی چھرگ بی ایس او آزات ءِ بیگواھیں سروک زاکر مجید ءِ دروشُمے جتگ پمشکا بازیں مردماں ھمے شک کرتگ کہ آ زاکر مجید بیت۔ بلکیں اے گپ نی راست بیتگ کہ آزار جاھاں یاداشت شتگیں مردم نسراللہ جھمنند نوکجو مشکے بیتگ۔ 12 سال اِنت پاکستانی لشکر ءِ آزار جاھاں بند بیتگ۔ نسراللہ 17 سال ءِ اُمر ءَ 2009 ءَ پاکستانی لشکر ءَ آوار جنگ ءَ پد بیگواہ کرتگ، آ 12 ءَ سال ءَ پد ھمے ماہ ءَ آجو بیتگ۔


بنشون: دمگی اھوالکار | اکس:دمگی اھوالکار