ریڈیو زْرمبش بلوچی | ریڈیو زْرمبش بلوچی

کیچ ءِ ھند مند ءِ میتگ گیاب ءَ گْوَستگیں روچ ءَ پاکستانی لشکر ءَ سورے ءِ سر ءَ بیڑ بُرتگ ءُ بازیں مردمے آوار جتگ۔ بنشون ءِ رد ءَ پنچ شمبے ءُ آدینگ ءِ میانی شپ ءَ مند ءِ میتگ گیاب ءَ سورے ءَ آشوبی سوت،سالونک ءِ بلوچی پاگ ءُ سالونکی جُل ءِ پُشت ءَ بلوچستان ءِ بیرک جنوک بیتگ،پاکستانی لشکر ءِ ھندی چریکاں لشکر ھال داتگ گڑا لشکر ءَ بیڑ بُرتگ ءُ سالونک پیروز ء اَبدُلواھد ءِ آوار جنگ ءِ جُھد کُرتگ بلے مردمانی بازیں گھگیریاں لشکر ءَ سالونک یل کُرتگ ءُ سالونک ءِ پِت ءَ ھوار دگہ بازیں مردمے زورانسری آوارجتگ ءُ گوں وت بُرتگ۔ بنشون ءِ رد ءَ گِس ءَ بیڑ برتگ ءُ پاکستانی لشکر ءَ دزگیر کُرتگیں مردم وتی بُنجل ءَ بُرتگ اَنت،لٹ ءُ کُٹ کُرتگ ءُ زوراکی ءِ نشانگ کنگ ءَ پد یل داتگ اَنت۔ بنشون: اھوالکار | اکس: اھوالکار