مند/ مشکے: زوگریں پاکستانی لشکر ءِ دست ءَ زور بیگواھیں دو براتاں ھوار سے مردم آجو بیتگ۔
اھوالکار ءِ رد ءَ چہ مند ءَ آجو بیتگیں مردمانی نام ابدُالھکیم ءُ نور بکش اِنت کہ دوئیں برات اَنت۔ آیانی آجوئی ءِ گپ کھول ءَ راست کرتگ ءُ گوشتگ کہ مند سورو ءَ چہ وانگجاہ ءَ پاکستانی لشکر ءِ دست ءَ بیگواہ کنگ بیتگیں ابدُالھکیم ءُ نور بکش آجو بیتگ ءُ وتی گس ءَ سر بیتگ اَنت۔
بنشون ءِ رد ءَ چہ مشکے ءَ آجو بیتگیں مردم ءِ نام گوس بکش ء گُلشیر اِنت کہ پاکستانی لشکر ءَ دو سال پیش چہ آئی گس ءَ زور بیگواہ کرتگ۔ گوس بکش ءِ آجوئی ءِ گپ آئی کھول ءَ راست کرتگ ءُ گوشتگ کہ گوس بکش دو سال ءِ بیگواھی ءَ پد گوستگیں ھپتگ ءَ آجو بیتگ ءُ وتی گس ءَ سر بیتگ۔
بنشون: دمگی اھوالکار | اکس: اھوالکار