ریڈیو زْرمبش بلوچی | ریڈیو زْرمبش بلوچی

مند:پاکستانی لشکر ءِ دست ءَ بیگواہ بیتگیں اسد ناسر ءِ گھار ءَ ماں تامُر بندے ءَ وتی برات ءِ یلہ کنگ ءِ دزبندی کُرتگ

مند:پاکستانی لشکر ءِ دست ءَ بیگواہ بیتگیں اسد ناسر ءِ گھار ءَ ماں تامُر بندے ءَ وتی برات ءِ یلہ کنگ ءِ دزبندی کُرتگ

JUL

05
05 / 07 / 2021 بیگواہ 189

مند: دو سال پیش چہ مند نوکین کھن ءَ پاکستانی لشکر ءِ دست ءَ بیگواہ بیتگیں اسد ناسر ءِ گھار ءَ وتی تامُر بندے ءَ دزبندی کُرتگ کہ برات ءَ یل بہ کن اِت۔ آئی ءَ گوشتگ کہ منی برات اسد ناسر یک جولائی 2019 آوار جنگ ءُ بیگواہ کنگ بیتگ۔ ما شش گھاریں ءُ برات ایوک ءَ اسد اِنت۔ ما چار آئید بیدے آئی ءَ گوں گَم ءُ اندوھاں گوازینتگ۔ اے اَئید ءَ پیش یل کنگ بہ بیت داں مئے اَئید پہ وشی بہ گوز ایت۔ اسد ءِ گھار ءَ گوشتگ کہ منی برات ءَ چے میارے کہ ھست آ آمیدگس ءَ پیش کنگ بہ بیت۔ منی مات چہ وتی زھگ ءِ گماں بے سار اِنت، آئی ءِ یاد داشت شُتگ، ما گُھار وتی مات ءَ چارت نہ کن ایں آئی ءَ گوں زبیدہ جلال، لالا رشید دشتی، ھاجی اکبر آسکانی ءَ ھوار ءُ گوں سرکاری واکدار ءُ اکوام متھدہ ءَ  دزبندی کرتگ کہ منی برات ءَ اَئید ءَ پیش آجو کن اِت کہ ما اَئید ءِ وشیاں ھوار بہ بیں۔ آئی ءَ ھمے کسانیں تامر بند ءِ تہ ءَ وتی بیگواھیں برات ءِ گونڈلیں زھگ ھم پیش داشتگ ءُ گوشتگ کہ ما وتی برات ءِ زھگاں چون بہ سھڑین ایں۔ بنشون:تامُر بند/اکس:اسکرین شارٹ