ریڈیو زْرمبش بلوچی | ریڈیو زْرمبش بلوچی

شال: پہ بیگواھیں مردمانی پدجنگ ءَ شُدکشیں زھرشانی گدان ءَ 4506 روچ سرجم بیتگ،چہ بیگواھیاں ھزاراں کھول اندوھانی دیمپان اَنت، ماما کدیر

شال: پہ بیگواھیں مردمانی پدجنگ ءَ شُدکشیں زھرشانی گدان ءَ 4506  روچ سرجم بیتگ،چہ بیگواھیاں ھزاراں کھول اندوھانی دیمپان اَنت، ماما کدیر

NOV

26
26 / 11 / 2021 وی بی ایم پی 60

شال: بیگواھیں بلوچانی توار ءِ نیمگ ءَ پہ بیگواھیں مردم ءُ بلوچ شھیداں برجاھیں شُدکشیں زھرشانی گدان ءَ 4506 روچ سرجم بیتگ۔گدان ءَ بیگواھیں مردمانی کھولاں اتکگ ءُ وتی زھرشانی یادداشت کُرتگ۔ اے درگت ءَ بیگواھیں بلوچانی توار ءِ کمک سرکماش ماما کدیر ءَ گْوشتگ کہ بلوچستان ءَ بیگواھیں مردمانی وئیلاں ھزاراں کھول اندوھانی دیمپان اَنت۔بیگواھیں مردمانی کھول داں ھما وھد ءَ بےآرام بنت داںکہ آیانی مردم آزارجاھاں بند َاَنت۔ آئی گْوشتگ کہ بیگواھیں مردمانی گدان ءَ چار ھزار ءُ پنچ سَد روچ ءَ گیش اِنت ءُ ھمک روچ زھرشانی یادداشت کنگ ءَ ایں کہ جھان ءِ تہ ءَ زھرشانی ءِ رکارڈے ءُ اے زھرشانی بلوچستان ءِ بنجاھی شھر ءَ نشتگ ءُ کنگ بیگ ءَ اِنت کہ اد ءَ رسانکدر ءُ دگہ تْرامگیجانی کارگِس ھست اَنت بلے انگت مئے توار گوشدارگ بیگ ءَ نہ اِنت۔ایشی ءَ ابید بیگواھیں مردمانی کھول پہ ھمے اوست ءَ چہ بلوچستان کسانیں شھر ءُ میتگاں شال ءَ کاینت کہ اد ءَ آیانی توار گوشدارگ بیت۔ ماما کدیر ءَ گْوشتگ کہ نومبر ءِ ماہ ءَ ھمک روچ بیگواھیں بلوچانی توار ءَ زورانسری بیگواھیانی ھال سر بیگ ءَ اَنت۔مرچی نازیہ اکبر جھمنند تیرتیج آواران ءِ برات ءِ بیگواھی ءِ ھال داتگ۔آئی ءِ برات آمر ء مھمد اکبر 23 نومبر ءَ چہ گڈانی موڑ ھب ءَ پاکستان اسٹیٹ آئل پٹرول پمپ ءَ شپ ءِ دار یک ءَ گوں پاکستانی ترامگیجاں بندوکیں کارمنداں دزگیر کنگ ءَ پد بیگواہ کُرتگ۔آمر دو سال بیت کہ ھمے پٹرول پمپ ءَ کار ءَ بیتگ۔ آئی گْوشتگ کہ ودود ساتکزھی گْوستگیں 12 سال اِنت کہ بیگواہ اِنت،مرچی آئی ءِ کھول زھرشانی کنگ ءَ اِنت۔مردمی اگبالانی تْرامگیج ءُ واکدار پہ مردمگری ءِ بنیاد ءَ آئی ءِ دزبندی ءَ گوش بہ دار اَنت ءُ ودود ءِ پدجنگ ءَوتی کِرد ءَ پیلو بہ کن اَنت۔ ماما کدیر ءَ گْوشتگ کہ بیگواھیں بلوچانی توار ءِ نیمگ ءَ مردمی اگبالانی جھانی روچ ءِ درگت ءَ 10 دسمبر ءَ کراچی ءَ مراگشے برجم دارگ بیت۔گوں مردمی اگبالانی گل ءُ سیاسی کارکناں دزبندی کناں کہ اے روچ ءِ بابت ءَ بیتگیں مراگش ءَ بھر بہ زور اِت۔ بنشون: درشان | اکس: ماما کدیر