ریڈیو زْرمبش بلوچی | ریڈیو زْرمبش بلوچی

بانک کیگد ءِ کوش ءَ پاکستانی لشکر ءَ جنیواکنوینشن ءِ بگیری کُرتگ_ماما کدیر

بانک کیگد ءِ کوش ءَ پاکستانی لشکر ءَ جنیواکنوینشن ءِ بگیری کُرتگ_ماما کدیر

JUL

25
25 / 07 / 2021 وی بی ایم پی 134

شال: بیگواھیں بلوچانی توار ءِ کمک سرکماش ماماکدیر ءَ بی این ایم ءِ باسک شھید بانک کیگد ءِ پاکستانی لشکر ءِ دست ءَ کوش ءِ پُژدر ءَ وتی داتگیں درشانی ءَ میان استمان ءُ جینوا کنوینشن ءِ آرٹیکل 3 ءِ رد ءَ جیڑہ ءِ میان ءَ جنین ءُ بےسلاھیں مردم ءِ کُشگ میار باری یے۔ آئی گْوشتگ کہ چہ بے تواری ءَ استان ءَ گیش زوراکی کنگ ءِ نوہ رسگ ءَ اِنت،مردمی اگبالانی تْرامگیج توار چیست بہ کن اَنت ءُ چاگردی رسانکدر ءِ کارکن اے زوراکیانی بگیری ءَ مراگش برجم بہ دار اَنت۔ آئی گْوشتگ کہ بلوچ،مزھب،میان استمانی کانود ءُ جینوا کنوینشن ءِ آرٹیکل 3 ءِ رد ءَ جیڑہ ءِ میان ءَ جنین ءُ بےسلاھیں توری آ کجام جنگول ءِ برات ءُ زھگ بہ بیت کُشگ مزنیں گپے تاوان دیگ ھم جنگی میار باری یے ءُ مردمگری ءِ بگیری ءَ میارباری ءَ شُمار کنگ بیت۔بلے بلوچ جیڑہ ءِ دیم ءَ اسلام ءِ نام ءَ پاکاتان ءُ آئی ءِ لشکر نہ ایوک ءَ اسلام ءِ بلکیں وتی راھبند ءُ جھان ءِ کانوداں لپاشگ ءَ اِنت۔آدینگ ءِ شپ ءَ پاکستانی لشکر ءَ کیچ ءِ ھند تُمپ گومازی ءَ وتی زوارکیں کاروائی ءِ میان ءَ سیاسی سروک گُلام نبی ءِ ناکوزتک کیگد شھید کُرتف ءُ دگہ پنچ ورنا مکبول ء ابراھیم، کپا ء سیٹ الی، الم ء سلام ءُ زمیر ء ھسین دزگیر کُرتگ اَنت ءُ گساں لُٹ ءُ پُل ءُ پُرشت ءُ پروش کُرتگ۔ ماماکدیر ءَ گْوشتگ کہ بلوچستان ءَ کیگد اولی جنین نہ اِنت کہ پاکستان ءَ شھید کُرتف بلکیں اے بیست ایں سالاں انگت پاکستان ءَ شھید ھلیمہ، شھید شھناز، ءَ ھوار 5 دسمبر  2017 ءَ گجلی مشکے ءَ دہ جنین ءُ زھگ شھید ءُ 60 ءِ نزیک ءَ جنین آوار جت وھدے کہ گْوستگیں سال ءَ ھپت مئی ءَ بامگواہ ءَ پاکستانی لشکر ءَ کیسر چلگری،آئی ءِ نماسگ ناز بی بی ء مھمد الی چلگری ءُ دو زھگاں ھوار پاکستانی لشکر ءَ سدانی کچ ءَ جنین شھید ءُ ھزارانی کچ ءَ آوار جتگ۔ آئی دزبندی کُرتگ کہ پاکستانی سول سوسائٹی ءُ پاکستان ءَ نشتگیں دُرسیں راج پاکستانی لشکر ءِ زوراکیانی بگیری ءَ پُر ایمنیں رنگے ءَ پاکستانی راھبند ءِ رد ءَ توار چیست بہ کن اَنت۔جھانی مردمی اگبالانی ترامگیج اکوامتھدہ ءِ کانود ءُ جینوا کنوینشن ءِ رد ءَ بلوچ چکچینی ءِ گر ءُ دار کنگ ءَ پاکستان ءِ سر ءَ زور بہ دیئنت۔چاگردی رسانکدر ءَ دُرسیں بلوچ ءُ مردم دوستیں بلوچ بیگواھی ءُ بیگواھیں بلوچانی توار ءِ ھیش ٹیگ ءَ یکجاہ بہ بنت۔ بنشون: کیپی | اکس : دامگ