ریڈیو زْرمبش بلوچی | ریڈیو زْرمبش بلوچی

کولواہ ءَ بمب تراکے بیتگ ءُ پاکستانی لشکر ءِ زوراکی برجاہ اِنت۔

کولواہ ءَ بمب تراکے بیتگ ءُ پاکستانی لشکر ءِ زوراکی برجاہ اِنت۔

SEP

20

کولواہ: آواران ءِ ھند کولواہ ءِ ھور گراڈی ءَ نوکیں سی پیک دگ ءَ مرچی بیگاہ ءَ بمب تراکے بیتگ۔ زْرمبش اھوالکار ءِ رد ءَ بمب تراک ءَ پد پاکستانی لشکر ءِ زوراکی برجاہ بیتگ، تراک ءَ پد لشکر ءَ کِر ءُ کشانی میتگاں بیڑ برتگ ءُ بازیں مردمے آوار جتگ ءُ وتی بنجل ءَ برتگ۔ تراک ءَ پد پاکستانی لشکر ءَ مردم ترّ ءُ گرد کنگ ءَ نہ اشتگ اَنت ھمے سوب ءَ زانگ بیگ ءَ نہ اِنت کہ تراک ءَ چے تاوان بیتگ۔ بنشون ءِ رد ءَ پاکستانی لشکر ءَ آوار جتگیں مردم بازیں لٹ شاپ کنگ ءَ پد یل داتگ اَنت ءُ دو مردم انگت بیگواہ اِنت۔ بیگواھیں مردمانی پجار میرزا ء ھالکداد ءُ پزیر ء الی جان ناماں زانگ بیتگ اَنت۔ اے اُّرش ءِ زمہ وری انگت ھچ گَل ءَ نہ زْرتگ۔ یات بہ بہ اِت کہ بلوچستان ءَ کجام ھم جاہ ءَ پاکستانی لشکر ءِ سر ءَ اُرش کنگ بہ بیت لشکر اُرش جاہ ءَ انگر کنت ءُ مردماں ترّ ءُ گرد کنگ ءَ نیل اِنت کہ مئے تاوان مردمانی دیم ءَ چیر دیگ بہ بیت۔ بنشون: اھوالکار | اکس: دامگ