ریڈیو زْرمبش بلوچی | ریڈیو زْرمبش بلوچی

منی جنک نیبو بے میار ءَ کُشگ بیتگ، من یک نیزگارے آں من ءَ ھک دیگ بہ بیت۔ مھمد نواز

منی جنک نیبو بے میار ءَ کُشگ بیتگ، من یک نیزگارے آں من ءَ ھک دیگ بہ بیت۔ مھمد نواز

MAY

22

کوھلو: پریس کلب ءَ مھمد نواز پیردانی پیریس کانپریس کرتگ ءُ گوشتگ کہ منی جنک نیبو 14 مئی 2022 ءِ سھب ءِ ادار ھشت ءَ چمالنگ ءِ گَڈ پشت ءَ توکل ء میرا ھان، کادر ھان ء اَبدُاللہ، بھار ھان ء پکیر ھان پیردانی لوپ کرتگ ءُ بے میار ءَ کشتگ۔ آئی گوشتگ کہ وھدے من سرپد بیتگ آں ءُ وتی جنک ءِ گُڈی دیدار ءَ شتگ آں، من ءَ آئی ءِ چارگ ءَ ھم نہ اشتگ اِش ءُ ھمے گوشتگ اِش کہ تئی جنک چمالنگ ءِ کَڈ دپ ءِ مانشجاہ ءَ کل کنگ بیتگ، واتر برو اد ءَ ترا ھچ کار نیست۔ من یک نیزگاریاں منی جنک بے میار ءَ کشگ بیتگ من ءَ ھک دیگ بہ بیت۔ آئی گوں بلوچستان ءِ وتگڑیں سروزیر اَبدُلکدوس بزنجو ءَ ھوار گوں ھندی واکداراں لوٹ کرتگ کہ منی جنک ءِ کشندہ توکل، کادرھان، بھار ھان پیردانی مری زوت دزگیر کنگ ءُ سزا دیگ نہ بنت۔ اے سئیں میارباراں منی زھگ بے میار ءُ ناھک ءَ کشتگ، من یک بے کس ءُ نزوریں مردمے آں باید اِنت کہ سرکار منی توار ءَ گوش بہ دار ایت ءُ کشندھاں دزگیر بہ کنت۔ اھوالکار: نزر کلندرانی |اکس: نزر کلندرانی