ریڈیو زْرمبش بلوچی | ریڈیو زْرمبش بلوچی

ھیبرپکتونھواہ: لوئر چترال ءَ تھریک تالبان پاکستان ءَ پاکستانی لشکر ءِ دو پانگس دستیگ کرتگ اَنت۔ تھریک تالبان پاکستان ءِ جارکش ءِ گوشگ انت کہ چترال ءِ ھند بمبوریت ءَ اُرش کرتگ ءُ پاکستانی لشکر ءِ دو پانگس دستیگ کرتگ۔ آئی ءَ گوشتگ کہ اُرش ءِ آسر ءَ پاکستانی لشکر ءِ چار کارمند مرتگ ءُ آدگہ ٹپی بیتگ۔ اے اُرش ءَ بازیں کچے ءَ سلاہ ءُ سامان دستیگ کرتگ۔ جارکش ءِ گوشگ اِنت کہ دومی نیمگ ءَ ھمے اُرش ءَ بمبوریت ءَ لشکر ءِ نیمگ ءَ دیم داتگیں کمک ءِ سر ءَ گوں اسنائپر ءُ دورجنوکیں سلاھاں اُرش کرتگ پنچ کارمند کشتگ۔ دومی نیمگ ءَ لوئر چترال ءِ کمک دمگدار مھمد الی ءِ گوشگ اِنت کہ لوئر چترال ءِ ھند بمبوریت ءَ ھوار اوگانستان ءِ سیمسر ءَ ناشرکارانی ھال ءِ رسگ ءَ لشکرکشی بندات کنگ بیتگ۔ بنشون: دمگی اھوالکار / اکس: دامگ