ریڈیو زْرمبش بلوچی | ریڈیو زْرمبش بلوچی

کیچ ءِ جتا جتاھیں کوھاں پاکستانی لشکر ءِ لشکر کشی برجاہ اِنت، پہ کمک ءَ جنگی بالیگاں ترّ ءُ گرد کرتگ۔

کیچ ءِ جتا جتاھیں کوھاں پاکستانی لشکر ءِ لشکر کشی برجاہ اِنت، پہ کمک ءَ جنگی بالیگاں ترّ ءُ گرد کرتگ۔

OCT

16
16 / 10 / 2022 روکپتی بلوچستان 147

کیچ: مَنْد ءُ دَشْت ءِ درمیانی کوہ مزن بند ءَ گوستگیں دو روچ اِنت کہ پاکستانی لشکر ءِ لشکر کشی برجاہ اِنت۔ اھوالکار ءِ رِد ءَ مزن بند ءَ پاکستانی لشکر چہ دشت ءِ نیمگ ءَ نوکیں راہ ءَ پنسن کور ءَ پُترتگ ءُ چہ تمپ ءِ نیمگ ءَ ھم لشکر بازیں کچے ءَ پترتگ ءُ کور ءُ شیپانی دپاں سنگر گپتگ ءُ نشتگ کوہ ءِ تہ ءَ لشکر کشی کنگ ءَ اِنت۔ گوَستگیں روچ ءِ بیگاہ ءَ جنگی بالیگانی ھواری ءَ چاروگیں بالیگاں ترّ ءُ گرد کرتگ۔ چہ مند ءِ نیمگ ءَ پاکستانی لشکر سُھریں کوہ ءَ پُترتگ ءُ لشکر کشی کنگ ءَ اِنت- بنشون ءِ رد ءَ مرچی سھب ءَ کیچ ءِ ھند شے کھن ءِ کوہ ءَ شورما ءِ بند ءَ پاکستانی لشکر ءِ جنگی بالیگ (ڈرونے ) داں دیر ءَ ترّ ءُ گرد کنگ ءَ گندگ بیتگ۔ زْرمبش اھوالکار ءِ رد ءَ زامران ءِ ھند بُلیدہ ءَ گْوَستگیں دو روچ اِنت کہ پاکستانی لشکر ءِ لشکر ءِ لشکر کشی برجاہ اِنت، گْوَستگیں روچ ءَ پاکستانی لشکر ءِ سے جنگی بالیگاں کوھاں ترّ ءُ گرد کرتگ ءُ ھُشتر کنڈ ءَ لشکری کار کارمند ایر کرتگ۔ پاکستانی لشکر ءَ ھندی مردم کوھانی نیمگ ءَ ترّ ءُ گرد کنگ ءَ مکن کرتگ اَنت ءُ گوشتگ دانکہ مئے لشکر کشی برجاہ اِنت کوھانی نیمگ ءَ کس پہ شکار ءُ پکنک کنگ ءَ مہ روت۔ بنشون: اھوالکار | اکس: دامگ