ریڈیو زْرمبش بلوچی | ریڈیو زْرمبش بلوچی

پنجْگور/ تربت: پجار نہ بیتگیں سلاہ بندیں مردماں زورگریں پاکستانی لشکر ءِ پانگسانی سر ءَ اُرش کرتگ۔ اھوالکار ءِ رد ءَ سلاہ بندیں مردماں پنجگور ءِ گریڈ اسٹیشن ءَ برجاھیں پاکستانی لشکر ءِ پانگس ءَ گوں راکٹ ءُ آدگہ وتکاریں سلاھانی گون ءَ اُرش کرتگ۔ اُرش داں دیر ءَ برجاہ بیتگ، تیر ءُ تراکانی توار داں دور ءَ اش کنگ بیتگ اَنت۔ چہ اُرش ءِ آسر ءَ زورگریں پاکستانی لشکر ءِ جانی تاوان ءِ ھال اِنت۔ بنشون ءِ رد ءَ ھمے وڑ ءَ کیچ ءِ بنجاھی شھر تربت ءَ پجار نہ بیتگیں سلاہ بندیں مردماں شھید ھیات ءِ شھیدی جاہ ءَ برجاھیں پانگس ءَ گوں راکٹ ءُ آدگہ سلاھاں اُرش کرتگ۔ اُرش ءِ گپ تربت پولیس ءَ راست کرتگ ءُ گوشتگ کہ سے گولا پانگس ءِ نزیک ءَ کپتگ کہ آیانی ٹکر چتگ اَنت۔ اے دوئیں اُشانی زمہ واری انگت ءَ ھچ گَل ءَ نہ زْرتگ اَنت۔ بنشون: اھوالکار | اکس: زْرمبش