ریڈیو زْرمبش بلوچی | ریڈیو زْرمبش بلوچی

کراچی ءَ سند ءِ زور بیگواھیں مردمانی کھولانی نیمگ ءَ دہ دسمبر ءَ زھرشانی کنگ بیت۔

کراچی ءَ سند ءِ زور بیگواھیں مردمانی کھولانی نیمگ ءَ دہ دسمبر ءَ زھرشانی کنگ بیت۔

DEC

08
08 / 12 / 2022 پاکستان  ,  ایران 72

کراچی: سند ءَ پاکستانی لشکر ءِ دست ءَ زور بیگواھیں مردمانی کھولاں دہ دسمبر ءَ مردمی اگبالانی میان استمانی روچ ءَ کراچی ءَ زھرشانی کنگ ءِ جار جتگ۔ آیاں گوشتگ کہ ھمک سال ءِ وڑ ءَ اے سال ءَ مردمی اگبالانی میان استمانی روچ ءَ دہ دسمبر ءَ وائس پار مسنگ پرسن آپ سند، سند سجاگی پورم ءُ زور بیگواھیں مردمانی کھولانی نیمگ ءَ پہ درسیں بیگواھیں مردمانی آجوئی ءَ بیگاہ ءِ ادار چار ءَ ریگل چاراہ ءَ داں کراچی پریس کلب ءَ زھرشانی روانکے کشگ بیت۔ آیاں گوشتگ کہ ما سند ءِ درسیں سْیاسی، چاگردی، راجدوست ءُ مردم دوستیں کارکنانی گوں ءَ دزبندی کن ایں کہ آ اے زھرشانی ءَ بھر بزور اَنت۔ بنشون: جار | اکس: رسانکدر