ریڈیو زْرمبش بلوچی | ریڈیو زْرمبش بلوچی

کراچی: مردمی اگبالانی کارکن ءُ وکیل جبران ناسر ءَ پجار نہ بیتگیں سلاہ بندیں مردماں آوار جتگ۔ بنشون ءِ رد ءَ جبران ناسر ءِ آوار جنوکیں مردماں اسپیتیں ویگو گاڑی یے گوں بیتگ کہ آیاں ناسر ءَ چہ آوار جتگ ءُ گوں وت برتگ۔ جبران ناسر ءِ آوار جنگ ءِ گپ آئی ءِ لوگبانک منشا پاشا ءَ راست کرتگ ءُ ماں رسانکدر ءَ وتی شنگ کرتگیں تامربندے ءَ گوشتگ کہ جبران ناسر ءَ ھما وھد ءَ پجار نہ بیتگیں سلاہ بندیں مردماں آوار جتگ کہ آ دوئیں کراچی ءَ وتی گِس ءَ روگ ءَ بیتگ اَنت۔ آئی ءِ لوگبانک ءِ گوشگ اِنت کہ اسپیتیں ویگو گاڑی ءَ سواریں سلاہ بندیں مردم کہ آیانی کچ پازدہ ءِ نزیک ءَ بیتگ اَنت، سلاہ بندیں مردماں گاڑی داشتگ جبران ناسر ءَ آوار جتگ ءُ گوں وت برتگ۔ ناسر ءِ لوگبانک منشا پاشا ءَ پہ آئی ءِ سلامتی آجوئی ءَ لوٹ کرتگ ءُ گوشتگ کہ جبران ناسر زوت آجو کنگ بہ بیت۔ بنشون: اھوالکار | اکس: اھوالکار