ریڈیو زْرمبش بلوچی | ریڈیو زْرمبش بلوچی

چہ مزن ھور ءَ زورانسری بیگواہ کنگ بیتگیں اَبدُل ھیز زھری کراچی ءَ پدر کنگ بیتگ۔

چہ مزن ھور ءَ زورانسری بیگواہ کنگ بیتگیں اَبدُل ھیز زھری کراچی ءَ پدر کنگ بیتگ۔

MAY

20
20 / 05 / 2022 بیگواہ 165

کراچی: ھمے سال ءِ 27 جنوری ءَ چہ مزن ھور ءَ زورانسری بیگواہ کنگ بیتگیں اَبدُل ھپیز زھری کراچی ءَ زندانے ءِ پدر کنگ بیتگ۔ بیگواھیں اَبدُل ھپیز زھری ءِ گھار پاتمہ ءَ گوں بی بی سی ءَ تران کرتگ ءُ گوشتگ کہ منی برات کراچی ءَ یک زندانے ءَ بندیگ اِنت اے پما مزنیں وشی ءِ گپے کہ آئی ھال مارا سر بیتگ ءُ ما گوں وتی چماں دیستگ۔ پاتمہ ءِ گوشگ اِنت کہ اگاں مردمے ءِ کسانیں چیزے گار بہ بیت ءُ رند ءَ دز بہ کپ ایت مردم ءَ بے کساس وشی بیت، بلے منی برات ءِ ھال مارا رستگ پما انچیں مزنیں وشی یے کہ ایشی ءَ من گوں لبزاں درشان کرت نہ کن آں۔ آئی گوشگ اِنت کہ منی کستریں برات ءِ زورانسری بیگواھی ءَ پد آئی جون مارا دز کپتگ۔ پِت ءِ کُشگ ءَ پد مستریں برات ءِ بیگواھی ءَ مئے تیوگیں کھول ءِ سر ءَ یک گم ءِ کوھے پُرشتگ، اے ھم ھُدا ءِ شکر اِنت کہ منی برات مارا دزکپتگ۔ آئی گوشگ اِنت کہ چہ ڈنی ملک ءَ دزگیر کنگ ءَ اَبید کراچی ءَ آئی ءِ سر ءَ بے بُنھشتیں ارزی نبیسگ بیتگ، بلے من ءَ امیت اِنت کہ آمیدگس آئی ءَ زوت آجو کنت۔ بنشون: اھوالکار | اکس: دامگ