ریڈیو زْرمبش بلوچی | ریڈیو زْرمبش بلوچی

کراچی: 19 جولائی 2020 پاکستانی چیریں ادارھانی کارمندانی دست ءَ بیگواہ کنگ بیتگیں تاج مھمد سرپرہ ءِ گِس پہ زور دستیگ کنگ بیتگ اَنت۔

زور بیگواھیں تاج مھمد سرپرہ ءِ لوگبانک سالہ مری ءَ ماں چاگردی رسانکدر ایکس ( ٹویٹر ) ءَ نبشتگ کہ ڈی ایچ اے کراچی پیز وی ءَ منی گِس دستیگ کنگ بیتگ اَنت کہ آیان ءَ الی رزا مگسی ء زولپکار مگسی ءُ ندیم جلبالی ءِ کمک گوں اِنت، ما ایشی ءَ نہ منّ ایں۔ آئی ءَ چہ وتگڑیں سرکار ءَ لوٹ کرتگ ءُ گوشتگ کہ سند سرکار اے درکانودی زورگری ءِ گِر ءُ دار کنگ ءَ زوتاں چہ زوت گامگیج بہ زور ایت۔

آئی ءِ گوشگ اِنت کہ ما چہ گس ءُ سامانی دستیگ کنوکاں پھریزگ لوٹ ایں پمیشکا کہ اے وھد ءَ زوگر ءِ کارند مئے گِس ءَ ساڑی اَنت۔ سند پولیس گوں زورگراں ھوار اِنت چہ مئے گسانی پھریزگ ءَ اَبید زورگرانی کمک ءَ کنگ ءَ اِنت۔ من چہ درساں لوٹ کن آں کہ منی کمک ءَ بہ کن اَنت ءُ اے زورگرانی بگیری ءَ توار چست بہ کن اَنت۔

بنشون: ٹوئیٹر | اکس : رسانکدر