ریڈیو زْرمبش بلوچی | ریڈیو زْرمبش بلوچی

کراچی: انوگیں بشی ھور ءُ ایروپاں چو بلوچستان ءِ وڑ ءَ کراچی ءِ بلوچ ھنداں تباھی کرتگ- بلوچ یکجھتی کمیٹی کراچی ءَ یکشمبے ءِ روچ ءَ کراچی ءِ ھند گڈاپ ءَ پہ سانمندیں مردماں کمکی سامان سرکرتگ- اے کمکی سامان سے ٹرکانی رد ءَ گڈاپ ءِ جتاھیں ھنداں سر کرتگ اَنت،کمکی سامانی تہ ءَ ورگی ءُ پوشگی سامان گوں بیتگ- بلوچ یکجھی کیمٹی کراچی ءِ کمکار پہ آھار آماچیں مردمانی کمک ءَ شپ ءُ روچ کار کنگ ءَ اَنت، آ گڈاپ ءَ کمکی سامانانی بھر ءُ بانگ کنگ ءَ دست دست گٹ اَنت- بلوچ یکجھتی کمیٹی کراچی ءِ سروک آمنہ ءَ سند سرکار شرگداری کرتگ ءُ گوشتگ کہ سرکار ءَ ھار آماچیں مردم بے کمک ءَ یل داتگ اَنت، پہ آیانی کمک کنگ ءَ سرکار ءِ نیمگ ءَ ھچ وڑیں گامگیج زورگ نہ بیتگ- آمنہ ءَ گوں مردماں لوٹ کرتگ ءُ گوشتگ کہ آ گیش ءَ چہ گیش کمکی کارانی تہ ءَ بھر بزور اَنت دانکہ اے گرانیں وھد ءَ گوں سانمندیں مردمانی درد ءُ گماں ھوار بہ بنت- آمنہ سرکار زور داتگ ءُ گوشتگ کہ اے وھد ءَ سرکار ءِ زمہ واری بیت کہ آ گوں ھار آماچیں مردماں شریں وڑے ءَ کمک بہ کنت- بنشون: اھوالکار/ اکس: اھوالکار