ریڈیو زْرمبش بلوچی | ریڈیو زْرمبش بلوچی

کرگزستان ءُ تاجکستان ءِ میان ءَ جنگ ءَ 81 مردم مرتگ ءُ 175 مردم ٹپی بیتگ

کرگزستان ءُ تاجکستان ءِ میان ءَ جنگ ءَ 81 مردم مرتگ ءُ 175 مردم ٹپی بیتگ

SEP

19
19 / 09 / 2022 جھان 134

تاجکستان ءُ کرگزستان ءِ میان ءَ گوستگیں ھپتگ ءَ بندات بیتگیں جنگ ءَ کساس 81 مردم مرتگ بیتگ۔ دری رسانکدر اے ایپ پی ءِ رد ءَ دوئیں ڈیھانی میان ءَ جنگ چہ سالاں برجاہ اَنت ءُ میان اُستمانی گلاں اے دوئیں ڈیھ پہ پُر ایمن بیگ ءَ دستبندی کرتگ اَنت۔ تاجکستان ءِ دری کارانی وزیر ءَ پیس بُک ءَ وتی درشانے ءَ گوشتگ کہ تاجکستان ءِ 35 شھری مرتگ ءُ کرگزستان ءِ لشکر ءِ سر ءَ بھتام جتگ کہ آیاں مَسیتے ءِ سر ءَ ڈرون اُرش کرتگ چہ ایشی ءَ 12 مردم مرتگ ءُ وانگجاھے سرا ڈرون اُرش ءَ 6 نودربر مرتگ۔ دومی نیمگ ءَ کرگزستان ءِ گوشگ اِنت مئے باتکن سیمسری دمگ ءَ 46 مردم مرتگ ءُ 140 مردم ٹپی بیتگ ۔ دوئیں نیمگاں آدینگ ءِ روچ ءَ جنگ بندی ءِ جار جنگ بیتگ ءُ تاجکستان ءِ مھتر امام الی رھمان ءَ کرگزستان ءِ مھتر جیپاروپ ءِ گوں گند ءُ نند کرتگ بلے گند ءُ نند ءَ لھتیں اداراں پد دوئیں ڈیھاں یکے ءَ دومیگے سر ءَ جنگ بندی ءِ بگیری کنگ ءِ بھتام جتگ۔ یو این او ءِ کارگشاد انتونیو گوتریس ءَ دوئیں ڈیھانی سروکانی گوں ءَ رھوت کرتگ ءُ دستبندی کرتگ کہ دوئیں ڈیھ دلجمیں وڑی ءَ پہ جنگ بندی کنگ ءَ بہ نند اِنت ءُ گپ ءُ تران بہ کن اِت۔ بنشون: جھانی رسانکدر | اکس: دامگ