ریڈیو زْرمبش بلوچی | ریڈیو زْرمبش بلوچی

اوگانستان ءَ بمب تراکے ءَ نوہ مردم مرتگ ءُ بازیں مردمے ٹپی بیتگ۔

اوگانستان ءَ بمب تراکے ءَ نوہ مردم مرتگ ءُ بازیں مردمے ٹپی بیتگ۔

SEP

24
24 / 09 / 2022 پاکستان  ,  ایران 75

کابُل: گْوَستگیں روچ ءَ اوگانستان ءِ بنجاھی شھر کابُل ءَ وزیر اکبرھان مسیت ءَ بمب تراکے بیتگ 9 مردم مرتگ ءُ 41 ٹپی بیتگ۔ اوگان رسانکدر ءِ رد ءَ کابل ءَ وزیر ھان مسیت ءَ بمب تراک ھما وھد ءَ بیتگ کہ مردم نماز ءِ وانگ ءَ پد ڈن ءَ در آھگ بیتگ اَنت۔ بمب تراک انچش ترند بیتگ کہ کِر ءُ کشانی اوشتاتگیں گاڑیانی کانچ پرشتگ اَنت۔ اوگان پولیس ءِ گوشگ اِنت کہ ترک چہ میست ءِ دروازگ ءِ دیم ءَ اوشتاتگیں کار گاڑی یے ءَ بیتگ کہ آئی ءِ تہ ءَ تراکناکیں شورہ مان بیتگ اَنت۔ ترک ءَ پد تالبان آتکگ اَنت ءُ ٹپی بیتگیں مردم پہ درمان کنگ ءَ نادراھجاہ ءَ برتگ اَنت۔ اوگان رسانکدر ءِ رد ءَ ٹپی بیتگیں مردمانی تہ ءَ شش مردم ءِ جاور سک ناگیگ اَنت۔ انچش تُرس اِنت کہ مرتگیں مردمانی کچ گیش بیت۔ اے اُرش ءِ زمہ واری انگت ھچ گَل ءَ نہ زْرتگ۔ یات بہ بہ اِت کہ گْوَستگیں ماہ ءَ آدینگ ءِ نماز ءِ وھد ءَ بمب تراکے بیتگ بمب تراک ءِ آسر ءَ پنجاہ مردم مرتگ، آئی زمہ واری داھش ءِ ھراسان ءَ منّ اِتگ اَت۔ بنشون: جھانی رسانکدر | اکس: دامگ