ریڈیو زْرمبش بلوچی | ریڈیو زْرمبش بلوچی

کابل: اوگانستان ءَ بشی ھوراں گوستگیں سے روچانی تہ ءَ سی ءُ یک مردم بیران بیتگ۔ باز مردم بیگواہ اِنت انچوش گمان کنگ بیگ ءَ اِنت کہ آ لمبتگیں گساں چیر تر اِتگ اَنت۔ اے بارو ءَ شپی اللہ رھیمی ءِ گوشگ اِنت کہ چہ ھار ءُ آدگہ وئیلاں سی ءُ یک مردم بیران بیتگ، ھپتاد ءُ چار مردم زدگ بیتگ ءُ چِل ءُ یک مردم بیگواہ اِنت۔ دوسد ءُ پنجاہ ءِ نزیک ءَ مال ءُ دلوت مرتگ اَنت۔ آئی ءِ گوشگ اِنت کہ چہ ھور ءُ ھاراں اوگانستان ءِ بنجاھی شھر کابل ءِ ھواری ءَ میدان وردک ءُ گزلی سانمند بیتگ اَنت۔ گیشتر مردم چہ کابل ءِ روکپت ءُ میدان وردک ءَ بیران بیتگ اَنت۔ بنشون: جھانی رسانکدر/ اکس: دامگ