ریڈیو زْرمبش بلوچی | ریڈیو زْرمبش بلوچی

کابل: اوگانستان ءِ بنجاھی شھر کابُل ءَ ھوٹلے ءَ بمب تراکے بیتگ سے مردم جاھی مرتگ ءُ سیزدہ مردم ٹپی بیتگ۔ جھانی رسانکدر ءِ رد ءَ بمب تراک انچش ترند بیتگ کہ نزیک ءَ اوشتاتگیں گاڑی ھم تباہ بیتگ اَنت۔ تراک ءَ پد تالبان لشکر اُرش جاہ ءَ سر بیتگ اَنت ءُ جاہ اِش اِنگر کرتگ ءُ پَٹ ءُ پول کرتگ۔ کمکارانی گوشگ اِنت کہ مرتگیں مردمانی جون ءُ ٹپی بیتگیں مردم پہ درمان کنگ ءَ نادراھجاہ ءَ برگ بیتگ اَنت۔ ٹپی بیتگیں مردمانی تہ ءَ چار مردم ءِ جاور سک ءَ ناگیگ اَنت ھمے تُرس اِنت کہ مرتگیں مردمانی کَچ گیشتر بوت کنت۔ اے بمب تراک ءِ زمہ واری انگت ھچ گَل ءَ نہ زْرتگ۔ بنشون: جھانی رسانکدر | اکس: دامگ