ریڈیو زْرمبش بلوچی | ریڈیو زْرمبش بلوچی

کابل: تالبان ءُ امریکا ءِ سودا یے ءِ رِد ءَ امریکا ءَ وتی زنداناں بندیگیں گُڈّی تالبان ءُ تالباناں امریکا ءِ یک شھری یے آجو کرتگ. اوگانستان ءِ دری کارانی وزیر ءَ وتی درشانے ءَ گوشتگ مئے باسکے چہ گوستگیں ھبدہ سالاں ھیروئین ءِ باپار ءِ بھتام ءَ امریکا ءِ زنداناں بندیگ بیتگ، گوں امریکا ءِ یک شھری یے ءَ سودا جنگ ءُ آجو کنگ بیتگ. دری کارانی وزیر امیر ھان متکی ءَ گوشتگ کہ گوں امریکیاں دراجیں گپ ءُ تران ءَ پد امریکی شھری مارک پریچس کابل ءِ بالی پَٹ ءَ امریکیانی دست ءَ دیگ بیتگ ءُ امریکیاں مئے باسک بشیر نورزئی مئے دست ءَ داتگ. تالباناں بشیر نورزئی کابل بالی پٹ ءَ وش اتک کرتگ ءُ نورزئی تران کنان ءَ گوشتگ کہ امریکا ءِ شھری ءِ آجو کنگ ءُ منی آجو بیگ اوگانستان ءُ امریکہ ءِ میان ءَ ایمنی ءِ دیمروی ءِ سوب جوڑ بیت. امریکا ءِ شھری مارک پریچس چہ تالبانانی دست ءَ آجوئی ءَ پد گوں بالیگے ءَ کتر ءِ شھر دوھه ءَ شتگ. بنشون: جھانی رسانکدر | اکس: دامگ