ریڈیو زْرمبش بلوچی | ریڈیو زْرمبش بلوچی

اوگانستان ءَ تالباناں ھزارہ راج ءِ شش مردم درکانودی کُشتَگ - ایمنسٹی انٹرنیشنل

اوگانستان ءَ تالباناں ھزارہ راج ءِ شش مردم درکانودی کُشتَگ - ایمنسٹی انٹرنیشنل

SEP

16
16 / 09 / 2022 اوگانستان 107

کابل: مردمی اگبالانی ادارہ ایمنسٹی انٹر نیشنل ءَ وتی درشانے ءَ گوشتگ کہ تالباناں جون ءِ ماہ ءَ اوگانستان ءِ اِستان گور (غور) ءَ ھزارہ راج ءِ شش مردم تیر جتگ ءُ کُشتگ. اے ادارہ ءِ رد ءَ تالباناں پہ اوگانستان ءِ پیسری لشکر ءِ سروکے ءِ دزگیر کنگ ءَ شپ ءَ لوگے ءَ بیڑ برتگ ءُ چار مردم دزگیر کنگ ءَ پد پاھو داتگ ءُ اے بیڑ ءَ دگہ یک جنینے ءُ یک دوازدہ سالی جنکے ھم کشگ بیتگ اَنت. اے ادارہ ءِ گوشگ اِنت کہ چہ پاھو داتگیں مردماں یکے ءِ جسم ٹپ ءُ ٹور بیتگ ءُ چہ ایشی ءَ ھمے زانگ بیت کہ اے مردم پاھو ءَ پیسر آزار دیگ بیتگ. ایمنسٹی انٹرنیشنل ءِ رد ءَ تالباناں گور ءَ ابید دایکندی ءُ گزنی ءَ ھم چوشیں باز کار کرتگ. ایشی ءَ چہ پیش گور ءِ ھندی بنشوناں گوشتگ اَت کہ تالباناں مھمد مرادی نامیں مردے ءِ لوگ ءَ بیڑ برتگ ءُ آ گوں جنین ءُ جنکیں چُک ءَ ھوار تیرگوار کُرتگ. بنشون ءِ رد ءَ مھمد مرادی ھندی مردمانی آشوب ءِ سروگانے بیتگ. بنشون: جھانی رسانکدر | اکس: دامگ