ریڈیو زْرمبش بلوچی | ریڈیو زْرمبش بلوچی

پاکستان ءِ پولیس گوں اوگان باھوٹیاں ناروائی کنگ ءَ اِنت۔اوگان دری کارانی وزیر

پاکستان ءِ پولیس گوں اوگان باھوٹیاں ناروائی کنگ ءَ اِنت۔اوگان دری کارانی وزیر

NOV

11
11 / 11 / 2022 پاکستان  ,  ایران 71

کابُل: پاکستان ءِ پولیس گوں اوگان باھوٹیاں ناروائی کنگ ءَ اِنت۔ اوگانستان ءِ دری کارانی وزیر ءَ وتی درشانے ءَ گوشتگ پاکستان پولیس سند ءِ تہ ءَ گوں اوگان باھوٹیاں ناروائی کنگ ءَ اِنت ۔ بازیں وھدے بیت کہ پاکستان ءِ پولیس جتائیں شھراں اوگان باھوٹیانی سر ءَ بیڑ برگ ءُ آیاں دلسیاہ کنگ ءَ اِنت، اے زوراکیں ناروائی ءَ اوگان سرکار گوں تُرندی ءَ ایر جنت۔ پاکستان ءُ اوگانستان ھمساھیگیں ڈیھ اَنت ءُ لکھانی کچّ ءَ اوگان باھوٹی پاکستان ءَ نشتگ اَنت ءُ پہ پاکستان ءِ دیمروی ءَ کار کنگ ءَ اَنت، سیاسی مردم نہ اَنت تھنا زند گوزینگ ءَ اَنت۔ پہ اے جیڑھانی گیش ءُ گیوار کنگ ءَ باز رند ءَ اوگان سرکار ءَ گوں پاکستان ءَ گپ جتگ بلے بد بھتی ءَ اے جیڑہ انگت گیش ءُ گیوار کنگ نہ بیتگ۔ سرکار ءَ باز رند ءَ پاکستان گوشتگ کہ اوگان باھوٹیاں پولیس ءِ دست ءَ بزگ کنگ ءِ سر ءَ وتی دلگوش ءَ گور بہ کن ءُ وتی مسلمانی ءُ ھمساھگی ءِ کِرد ءَ پیلو بہ کن۔ بنشون: جھانی رسانکدر | اکس: دامگ