ریڈیو زْرمبش بلوچی | ریڈیو زْرمبش بلوچی

اوگانستان ءَ جنکیں نودربراں دوازدھمی تبک ءَ چکاس ءِ موکل دیگ بیتگ

اوگانستان ءَ جنکیں نودربراں دوازدھمی تبک ءَ چکاس ءِ موکل دیگ بیتگ

DEC

07
07 / 12 / 2022 پاکستان  ,  ایران 108

کابل: اوگانستان ءَ تالبان سرکار ءِ نیمگ ءَ دوازدھمی تبک ءِ جنکیں نودربراں چکاس ءِ موکل داتگ۔ بلے چہ گوستگیں شش ماھاں وانگجاھاں دور بیگ ءَ نودربراں اے سْوَڑگ ءِ سر ءَ ناوشی درشان کرتگ۔ جھانی رسانکدر ءِ رد ءَ گوستگیں سال ءِ اگست ءَ تالبان واک ءِ دست ءَ بیگ ءَ پد ھپت ءَ بہ گر داں دوازدھمی تبک ءِ جنکیں نودرانی وانگجاں روگ ءِ سر ءَ پابندی جنگ بیتگ۔ رسانکدری ادارہ ایسوس ایٹڈ پریس ءِ رد ءَ تالبان ءِ وانگی وزیر ءِ نیمگ ءَ گوشگ بیتگ کہ اوگانستان ءِ سی ءُ چار دمگاں اے سْوڑگ منگ بیتگ کہ اود ءَ گوستگیں ماہ ءَ چہ سارتیانی سوب ءَ موکل بیتگ اَنت۔ کابل ءَ وانگی ادارہ ءِ سروک اھسان اللہ ءَ گوں ایسوسی ایٹڈ پریس ءَ گوشتگ کہ اے چکاس چار شمبے ءَ بنت بلے اے گپ انگت ءَ گشینگ نہ بیتگ کہ چکاس ءَ چنچو نودربر یکجاہ نشت کنت۔ بنشون: جھانی رسانکدر | اکس: دامگ