ریڈیو زْرمبش بلوچی | ریڈیو زْرمبش بلوچی

تھران: ایران ءِ راجمستری گچینکاری ءَ سید ابراھیم رئیسی سوبمند بیتگ

تھران: ایران ءِ راجمستری گچینکاری ءَ سید ابراھیم رئیسی سوبمند بیتگ

JUN

19
19 / 06 / 2021 ایران 87

تھران :ایران ءِ سیزدھمی راجمستری گچینکاری ءِ بنداتی ھالانی رد ءَ سید ابراھیم رئیسی یک کروڑ 78 لک ووٹ گیپتگ ءُ ایران ءِ نوک گچین بیتگیں راجمستر جوڑ بیتگ۔ شمبے ءِ سُھب ءَ ایران ءِ گچینکاری ءِ سرکماش جمال اُرپ ءَ بنداتی آسر ءِ جار جتگ۔پہ ایران ءِ راجمستری ءَ سید ابراھیم رئیسی ، سید امیر ھسین کازی زادہ ھاشمی ، مھسن رزائی ءُ عبدلناسر ھمتی دیم پہ دیم بیتگ اَنت۔ ایرانی گچینکاری ءِ سرکماش جمال اُرپ ءَ گوں اھوالکاراں ھندی وھد ءِ سُھب ءِ ادار 11 ءَ گچینکاری ءِ آسر ءِ جارجتگ۔ آدینگ ءِ روچ ءَ 19 اداراں برجاہ بیتگیں گچینکاری ءَ 86 ھزار شھری گچینکاری بنجاہ ءُ 75 ھزار کوہ کوچگی گچھنکاری بنجاھانی آسر ءِ جار جتگ۔ آئی ءِ رد ءَ دو کروڑ 86 لک ووٹانی ھساب ءَ سید ابراھیم رئیسی یک کروڑ 78 لک ووٹ گیپتگ ءُ چہ دُرساں دیم ءَ اِنت۔اے گپانی بنیاد ءَ بزاں آ سوبمندی دلجمی اِنت۔وھدےکہ سید امیر ھسین کازی زادہ ھاشمی ءَ دہ لک ، مھسن رزائی ءَ 33 لک ءُ ابدلناسر ھمتی ءَ 24 لک ووٹ گیپتگ۔