ریڈیو زْرمبش بلوچی | ریڈیو زْرمبش بلوچی

روکپتی بلوچستان: هرمزگان،دُزآپ ءُ شستون ءَ زمین چنڈ بیتگ، پنچ مردم بیران ءُ پنجاه ءَ گیش زدگ بیتگ

روکپتی بلوچستان: هرمزگان،دُزآپ ءُ شستون ءَ زمین چنڈ بیتگ، پنچ مردم بیران ءُ پنجاه ءَ گیش زدگ بیتگ

JUL

02
02 / 07 / 2022 روکپتی بلوچستان 171

دزّاپ(زاهدان): مروچی بانگواه ءَ روکپتی بلوچستان ءِ دمگ شستون (سراوان) ءِ سیرکان ءُ هرمزگان ءَ زمین چنڈ بیتگ. اھوالکار ءِ رد ءَ هرمزگان ءِ زمین چنڈ ءِ زور 6.1 ءُ روکپتی بلوچستان ءِ زمین چنڈ ءِ زور 4.1 بیتگ۔ هرمزگان ءِ زمین چنڈ کہ بانگواه ءِ وھد 2:00 ءَ بیتگ، آئی ءَ پد کساس دگہ دوازده رند ءَ زمین چنڈ اِتگ ءُ چہ آیاں دنیگت پنچ مردم بیران ءُ پنجاه ءَ گیش مردم زدگ بیتگ ءُ بازیں گِس ءُ جاھے ڈُر اتگ ءُ کپتگ۔ بنشون ءِ رد ءَ ھرمزگان ءِ زمین چنڈ ءَ گیشتریں تاوان وش ساھگ نامیں میتگے بیتگ کہ چہ ھمیر ءِ بندر ءَ 36 کیلومیٹر دور اِنت۔ زمین چنڈ ءِ بُنجاه ھمے میتگ گوشگ بیگ ءَ اِنت ءُ زمین چنڈ ءَ پد اے میتگ ءِ دراھیں گس ءُ دیوال کپتگ انت بلے دنیگت بازیں جانی تاوان ءِ ھال نیست۔ ھمے وڑ ءَ روکپتی بلوچستان ءِ دمگ شستون ءِ سیرکان ءَ زمین چنڈ بانگواه ءِ ادار 3:39 ءَ بیتگ ءُ چہ اد ءَ انگت ءَ هچ وڑیں تاوان ءِ ھال نیست. بنشون: اھوالکار | اکس: اھوالکار