ریڈیو زْرمبش بلوچی | ریڈیو زْرمبش بلوچی

کوھلو ءَ پاکستانی لشکر ءَ نو سلاہ بندیں مردمانی کشگ ءِ ٹاپار جتگ۔

کوھلو ءَ پاکستانی لشکر ءَ نو سلاہ بندیں مردمانی کشگ ءِ ٹاپار جتگ۔

NOV

26

کوھلو: کاھان ءَ مرچی سھب ءَ پاکستانی لشکر ءِ بندات بیتگیں لشکر کشی ءَ آئی ءَ نو سلاہ بندیں مردمانی کشگ ءُ سے مردم ءِ دزگیر کنگ ءِ ٹاپار جتگ۔ پاکستانی لشکر ءِ جارکش آئی ایس پی آر ءَ ماں رسانکدر ءَ وتی شنگ کرتگیں درشانے ءَ گوشتگ کہ لشکر ءَ کوھلو ءِ ھند سْیاہ کوہ ءَ چیریں ادارھانی بنیات ءَ لشکر کشی کرتگ۔ آئی ءَ گوشتگ کہ چیریں ادارہ 30 ستمبر 2022 ءَ کوھلو بازار ءَ بمب تراکے ءَ پد آیانی پَٹ ءُ پول ءَ بیتگ اَنت، ھمے اُرش ءَ دو رھگوز مرتگ ءُ نوزدہ ٹپی بیتگ۔ آئی ءَ دیمتر ءَ گوشتگ کہ لشکر کشی مرچی سھب ءَ ادار شش ءَ بندات بیتگ۔ انگر بیتگیں سلاہ بندانی گوں لشکر ءَ تیرگواری برجاہ بیتگ ءُ میڑ ءَ نو مردم کشگ بیتگ ءُ سے گوں ٹپی ئیں جاوراں دزگیر کرتگ۔ آئی ءَ گوشتگ کہ ھمے ھند ءَ لشکر ءِ لشکر کشی انگت ءَ برجاہ اِنت۔ بلے لشکر ءَ کشتگیں مردمانی پجار نہ کرتگ اَنت۔ یات بہ بہ اِت کہ باز براں پاکستانی لشکر زور بیگواھیں مردماں دروگیں میڑاں کش ایت ءُ آیاں ءَ سلاہ بندیں گلانی کارمند گوش ایت۔ اے باروا آجوئی لوٹوکیں سلاہ بندیں گُلانی نیمگ ءُ چہ آدگہ بنشوناں ھچ وڑیں ھال دیم ءَ نہ یتکگ۔ بنشون: آئی ایس پی آر | اکس: دامگ