ریڈیو زْرمبش بلوچی | ریڈیو زْرمبش بلوچی

ھرنائی: گْوَستگیں روچاں زورگریں پاکستانی لشکر ءَ دو مردم آوار جنگ ءَ پد بیگواہ کرتگ۔ بنشون ءِ رد ءَ زور بیگواھیں مردمانی نام چہ مھمد ابراھیم ء گوس بکش مینگل ءُ نزام الدین ء نبی بکش مینگل ءَ پجارگ بیتگ اَنت۔ 9 مارچ ءَ پاکستانی لشکر ءَ چہ ھرنائی ءَ چیری لیٹ ءِ پانگس ءَ آوار جتگءُ بیگواہ کرتگ اَنت۔ دہ روچ ءِ گوزگ ءَ پد ھم آیانی ھچ وڑیں ھال نیست۔ زور بیگواھیں مردمانی بارو ءَ گوشگ بیت کہ شال ءِ جھمنند اَنت، بنیاد ءَ بولان سنجاول ءِ جھمنند اَنت ءُ چہ اود ءَ زور لڈینگ بیتگ اَنت۔ بولان سنجاول ءَ 2014 ءِ لشکر کشی ءِ وھد ءَ نزام الدین ءِ بْرات رمزان ءَ پاکستانی لشکر ءَ آوار جتگ ءُ بیگواہ کرتگ رند ءَ آئی ءِ ژانگولیں جون دست کپتگ۔ چہ پاکستانی لشکر ءِ زوراکیاں کھول ءَ لڈ ءُ بار کرتگ ءُ شال ءَ آتکگ اَنت۔ زور بیگواھیں مردمانی کھولاں چہ مردمی اگبالانی ادارہ ءُ سْیاسی ٹولیاں توار چست کنگ ءِ لوٹ کرتگ ءُ گوشتگ کہ پہ مئے آزیزانی سلامتی آجوئی ءَ وتی کرد ءَ پیلو بہ کن اِت۔ #BalochistanCrisis بنشون: دمگی اھوالکار | اکس: اھوالکار