ریڈیو زْرمبش بلوچی | ریڈیو زْرمبش بلوچی

بلوچستان: ایچ آر سی پی ءِ سال ءِ گزارش ءِ تہ ءَ مردمی اگبالانی گنتریں جاور نشون دیگ بیتگ اَنت

بلوچستان: ایچ آر سی پی ءِ سال ءِ گزارش ءِ تہ ءَ مردمی اگبالانی گنتریں جاور نشون دیگ بیتگ اَنت

JUL

01
01 / 07 / 2021 بی ایچ آر سی 78

شال:ھیومین رائٹس کمیشن آپ پاکستان ءِ سال ءِ گزارش ءِ تہ ءَ بلوچستان ءَ مردمی اگبالانی گنتریں جاوارنی بابت ءَ تْران کنگ بیتگ۔ایچ آر سی پی بلوچستان چیپٹر ءِ سرکماش جبیب تاھر ایڈوکیٹ ءَ شال ءَ پریس کانپرنس کُرتگ ءُ بلوچستان ءَ مردمی اگبالانی ناگیگیں جاورانی بابت ءَ گپ کُرتگ۔ آئی ءَ گْوشتگ کہ گْوستگیں سال ءَ ھیات،کریمہ ءُ اھوالکارشاھینہ شاھین شھید کنگ بیت اَت کہ ایرجنگی گپے۔سال 2020 ءَ 5 داں 6 سال ءَ بیگواھیں مردم یلہ بیتگ اَنت ءُ ما دزبندی کنیں کہ دُرسیں بیگواھیں مردم یل کنگ بہ بنت اگاں کسے ءِ سر ءَ میارے ھست گڑا آئی ءِ بگیری ءَ ارزی نبشتہ کنگ ءُ دیم ءَ آرگ بہ بیت۔ آیاں وتی دیوان ءَ بلوچستان ءِ بابت ءَ جھل ءَ نبشتگیں مردمی اگبالانی لپاشگ ءِ بابت ءَ گْوشگ بیتگ۔ •کورونا وائرس ءِ سْوب ءَ 36000 ھزاراں کارکن بےکار بیتگ اَنت۔ •آوارجنی ءِ بازیں وئیل دیم ءَ اتکگ۔ •بلوچستان ءَ کار ءِ میان ءَ بیران بیتگیں مُزورانی کچ گیشتر اِنت۔ •اشکر کھناں بیران بیتگیں مُزورانی کچ ھم گیشتر بیتگ اَنت۔ • بلوچستان سرکار بلدیاتی گچینکاری ءَ بےسوب بنت۔ •بے گس ایں مردمانی شلٹر ھاؤس ءِ سر ءَ کانود سازی ءَ ابید کار کنگ نہ بیتگ۔ •2020 ءَ آوارجنی ءِ 33 وئیل دیم ءَ اتکگ۔ • 2020 ءَ بدکاری ءِ نشانگ کنگ بیتگیں زھگ ءِ درچک ءَ دْراتکگیں لاش دز کپتگ۔ •  2020 ءَ بلوچستان تربت ءَ سلاہ بندیں مردماں گس ءَ جنینے تیر جتگ ءُ کُشتگ۔ • 2020 ءَ بلوچستان 24 بیگواھیں مردمانی ارزی مارا دست کپتگ۔ • 73 ءِ لاش دز کپتگ۔ انچوش گمان بیت کہ بلوچستان ءَ بیگواھیانی بابت ءَ ایچ آر سی پی ءِ گزارش بلوچستان ءَ کارکنوکیں مردمی اگبالانی آدگہ گل ءُ روتاکاں شنگ بیتگیں گپ یک نہ اَنت،بزاں بیگواھی ءِ گیشتریں وئیل مردمی اگبالانی اے تْرامگیج ءَ بیگواھی مردمانی بابت ءَ سرپدی سر نہ بنت۔ بی این ایم ءِ بنجاھی رسانکدری کارگشاد ءِ نیمگ ءَ ھمک ماہ بلوچستان ءَ مردمی اگبالانی بابت ءَ گزارش شنگ بیگ ءَ اَنت۔بی این ایم ءِ گْوستگیں گزارش ءِ رد ءَ پاکستانی لشکر ءِ دست ءَ 51 مردم بیگواہ 70 ءَ گیش مردم کشگ بیتگ۔ بی این ایم مردمی اگبالانی بابت ءَ مدام گْوشگ ءَ اِنت کہ بلوچستان ءَ مردمی اگبالانی دزرسی کم ءُ مردم ناوانندہ اَنت ءُ مردماں ھمے تُرس اِنت کہ اگاں ما اے بابت ءَ گپ بہ کنیں گڑا چہ پاکستانی لشکر ءِ نیمگ ءَ پم ءَ جنجال گیش بنت۔پمشکہ مردم مردمی اگبالانی ترامگیج ءُ رسانکدر ءَ اے بابت ءَ گپ کنگ ءَ تُرس اَنت۔ ذریعہ: *پریس کانپرنس* | اکس: *شال پریس کلب*