ریڈیو زْرمبش بلوچی | ریڈیو زْرمبش بلوچی

گوادر: چار شمبے ءِ نیمروچ ءَ پاکستانی لشکر ءِ جوڑ کرتگیں چیریں ادارھانی کارمنداں ورنایے آوار جتگ ءُ گوں وت برتگ۔

زور بیگواہ کنگ بیتگیں ورنا ءِ نام اَبدُاللہ رھیم اِنت کہ سانکدری کارکنے۔ چیریں ادارھانی کارمنداں مرچی 13 ستمبر 2023 ءَ چہ ڈور ءِ نزیک ءَ تیل ءِ ڈپوے ءَ آوار جتگ ءُ گوں وت برتگ۔

زور بیگواھیں اَبدُاللہ ءِ بارو ءَ گوشگ بیگ ءَ اِنت کہ پیسر ءَ آئی ءِکستریں برات سمی اللہ ءَ چیریں اداراھانی کارمنداں آوار جتگ ءُ بیگواہ کرتگ۔ داں ھپتگے ءَ گیشیں آزار دیگ ءَ پد یل داتگ۔

اَبدُاللہ رھیم ءِ زوریں بیگواھی ءِ گپ بلوچ اھوالکار این کادر ءَ راست کرتگ ءُ گوشتگ کہ زور بیگواھیں اَبداللہ رھیم منی نزیکیں سیادے ءُ رسانکدری کارکنے۔ مرچی نیمروچ ءَ پجار نہ بیتگیں مردماں آوار جتگ ءُ بیگواہ کرتگ۔ #BalochistanCrisis

بنشون: اھوالکار / اکس: اھوالکار