ریڈیو زْرمبش بلوچی | ریڈیو زْرمبش بلوچی

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشان ءَ گوشتگ کہ بی ایل ایپ ءِ سرمچاراں ھاران ءِ البت ءَ برجاھیں پاکستانی لشکر ءِ پانگس ءِ سر ءَ اُرش کُرتگ ءُ جانی ءُ مالی تاوان داتگ۔ آئی ءَ گوشتگ کہ اے اُرش سَے شمبے پنچ ستمبر ءِ شپ ءِ دہ ءَ بیتگ کہ چہ ایشی ءَ پاکستانی لشکر ءِ البت ءَ برجاھیں پانگس گوں ٹوھیں سلاھاں نشانگ کنگ بیتگ۔ اُرش ءَ زورگریں لشکر ءَ جانی ءُ مالی تاوان بیتگ۔ بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ دُژمن ءِ دُرسیں نپ ءُ سیتانی سر ءَ مئے اُرش برجاہ بنت۔ بنشون: درشان / اکس: زرمبش