ریڈیو زْرمبش بلوچی | ریڈیو زْرمبش بلوچی

بلوچستان آجوئی سنگر بی ایل ایپ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں شمبے ءِ شپ ءِ نوہ ءَ مشکے ءِ ھند نلی ءَ پاکستانی لشکر ءِ بُنجل ءِ سر ءَ دو نیمگاں گوں راکٹ ءُ اے ون گولا آں اُرش کُرتگ۔ آئی ءَ گوشتگ کہ سرمچاراں پاکستانی لشکر ءِ بُنجل ءِ دَروازگ ءِ نزیک ءَ شُتگ ءُ گوں راکٹ آں اُرش کُرتگ، چہ ایشی ءَ لشکر ءِ دو کارمند جاھی مُرتگ۔کارشونی ءِ رد ءَ سرمچارانی یک ٹولی یے ءَ چہ دومی نیمگ ءَ بنجل ءِ سر ءَ چار راکٹ ءُ اے ون ءِ گولا آس داتگ کہ بنجل ءِ تہ ءَ کپتگ اَنت، چہ ایشی ءَ زورگریں لشکر ءَ باز جانی مالی تاوان بیتگ۔ بی ایل ایپ ءِ جارکش میجر گھرام ءَ اُرش ءِ زمہ واری منّ اِتگ ءُ گوشتگ کہ مئے اُرش داں بلوچستان ءِ آجوئی ءَ برجاہ بنت۔ بنشون : درشان | اکس : زرمبش