ریڈیو زْرمبش بلوچی | ریڈیو زْرمبش بلوچی

برلن: جرمنی ءَ دوشمبے ءِ روچ ءَ بلوچ باھوٹی آتپ بلوچ ءِ چہ جرمنی ءَ درکنگ ءِ بگیری ءَ بلوچ کمیونٹی ءَ برلن ءَ زھرشانی کرتگ۔ زھرشانی برلن ءِ تھی کارانی وزیر ءِ گِس ءِ دیم ءَ کنگ ءَ بیتگ کہ جتائیں بلوچ پارٹیانی سیاسی کارکناں بازیں کچے ءَ بھر زرتگ۔ زھرشانی ءَ بی این ایم جرمنی تک ءِ سرکماش ازگر الی ءُ بلوچ کمیونٹی ءِ الاھی بکش ءَ تران کرتگ ءُ گوشتگ کہ آتپ یک سیاسی باھوٹی یے ءِ بستار ءَ 2015 ءَ جرمنی ءَ آتکگ۔ اے ھشتیں سالانی تہ ءَ آئی ءَ بلوچستان ءَ ریاستی زوراکیانی بگیری ءَ سیاسی باسکے ءِ بستار ءَ زھرشانیاں بھر زرتگ۔ ھشت سال ءَ پد آتپ ءِ چہ جرمنی ءَ درکنگ پہ آئی ءِ زندگی ءَ ترسے ودی کنت۔ آیاں گوں جرمنی ءِ سرکار ءَ لوٹ کرتگ ءُ گوشتگ کہ جرمن سرکار آتپ ءَ چہ جرمنی ءَ کشگ ءَ بہ دار ایت ءُ آئی ءِ رندگی ءَ بہ رکین ایت۔ آیانی گوشگ اِنت کہ بلوچ درانڈیھ ءَ پہ پوریاگری ءَ نہ یتکگ اَنت بلکیں جتائیں ڈیھاں زندگی گوازینگ ءَ اَنت۔ آیاں پاکستانی سرپد مہ بہ بنت چے ءَ کہ بلوچ سیاسی کارکن پاکستان ءِ زوراکیانی بگیری ءَ جھد کنگ ءَ اَنت۔ اے زھرشانی ءِ میان ءَ آیاں پنتانک بھر ءُ بانگ کرتگ ءُ ھمے ادارھان ءَ یک یاداشتے داتگ۔ بنشون: اھوالکار / اکس: اھوالکار