ریڈیو زْرمبش بلوچی | ریڈیو زْرمبش بلوچی

سی ٹی ڈی ءِ کلپیں میڑ ءَ کُشگ بیتگیں دگہ دو بیگواھیں مردم ءِ پجار بیتگ

سی ٹی ڈی ءِ کلپیں میڑ ءَ کُشگ بیتگیں دگہ دو بیگواھیں مردم ءِ پجار بیتگ

AUG

29
29 / 08 / 2021 شھید 115

شال: 08گست ءَ کوھارڈیمب لورلائی ءَ کاؤنٹر ٹیررازم ڈیپارٹمنٹ ءَ یک کلپین میڑے ءِ نام ءَ ھپت مردم ءِ کُشگ ءِ ٹاپار جتگ اَت ءُ گْوشتگ اَت کہ اے مردم بی ایل ایپ ءِ باسک اَنت چہ اوگانستان اَتکگ اَنت۔بلے راستی اِش اِنت کہ مردم ھما اَنت کہ سالانی سال پاکستانی لشکر ءِ آزارجاھاں بند بیتگ اَنت۔ کلپیں میڑ ءِ نام ءَ کُشگ بیتگیں مردمانی پجار پجار سدام ھسین، اَبدالگنی، اَبدالاھد ءُ امیرجان ءِ ناماں زانگ بیتگ اَنت۔ بلے سی ٹی ڈی ءِ جارکش ءَ آھانی سرجمین ڈس پدر نہ کرتگ اَت۔ چہ اشاں اَبدالگنی ءُ سدام ھسین ءِ کھولاں وتی مردم پجارتگ اَنت کہ پہ آیاں پجار کارت، پاسپورٹ ءُ اَکس دیم دیگ بیتگ اَنت۔ ابدلگنی ء لیاکت کیچ ءِ ھند بلنگور سورک ءِ جھمنندے ءُ پاکستانی لشکر ءَ 20 اکتوبر 2017 ءَ چہ سنی زیروپوائینٹ ءَ دزگیر کنگ ءَ پد بیگواہ کُرتگ اَت ءُ سدام ھسین ء ازمائیل جھمنند پنودی دشت پاکستانی لشکر ءَ چہ ملیر کراچی ءَ آوارجتگ ءُ بیگواہ کُرتگ اَت۔ بنشون:چاگردی رسانکدر /اکس: زْرمبش