ریڈیو زْرمبش بلوچی | ریڈیو زْرمبش بلوچی

کراچی ءَ پاکستانی چیریں ادارھانی کارمنداں ھبیبہ پیرجان زورانسری آوار جتگ

کراچی ءَ پاکستانی چیریں ادارھانی کارمنداں ھبیبہ پیرجان زورانسری آوار جتگ

MAY

19
19 / 05 / 2022 بیگواہ 474

کراچی: پاکستانی چیریں ادارھانی کارمنداں بیڑ برتگ ءُ بلوچی زبان ءِ شائر ءُ نبشتہ کار ھبیبہ پیر جان زورانسری آوار جتگ۔ بنشون ءِ رد ءَ بیگواہ کنگ بیتگیں ھبیبہ پیر جان کیچ ءِ ھند تمپ نزر آباد ءِ جھمنند اِنت۔ چیریں ادارھانی کارمنداں بیڑ برگ ءِ وھد ءَ بانک ھبیبہ پیرجان لٹ شاپ کرتگ ءُ گوں ٹپی ئیں جاوراں دزگیر کرتگ۔ گِس ءِ سامان پرشت ءُ پروش کرتگ اَنت، کھول ءِ تیوگیں مردمانی موبائل پُل اِتگ اَنت۔ یات بہ بہ اِت کہ گوستگیں روچان 16 مئی ءَ سی ٹی ڈی ءِ کارمنداں کیچ ءِ ھوشاپ ءَ پزل نامیں مردمے ءِ لوگبانک نورجان ء ھُدابکش زورانسری آوار جتگ انگت بیگواہ اِنت۔ پہ نورجان ءِ زورانسری بیگواھی ءِ بگیری ءَ مردماں زھرشانی ءَ ھوشاپ ءَ سی پیک دگ بند کرتگ زھرشانی انگت برجاہ اِنت۔ ھمے وڑ ءَ پنجگور ءِ ھند گچک ءَ پاکستانی لشکر ءَ 26 اپریل ءَ شاہ بی بی ءُ شھزادی آوار جتگ اَنت انگت بیگواہ اِنت۔ بنشون: اھوالکار | اکس: دامگ