ریڈیو زْرمبش بلوچی | ریڈیو زْرمبش بلوچی

شال،کیچ،ھُزدار: پاکستانی لشکر ءَ پنچ مردم آوار جتگ

شال،کیچ،ھُزدار: پاکستانی لشکر ءَ پنچ مردم آوار جتگ

SEP

23
23 / 09 / 2021 بیگواہ 99

بیگواھیں مردمانی پجار کمبر ء پیری، ندیم ء ابراھیم، ارپان زھری، استاد منیر رئیس ءُ کادر زھری ھوار اِنت زْرمبش اھوالکار ءِ رد ءَ پاکستانی لشکر ءَ مرچی سھب ءَ تل گزگ ءَ کمبر ء پیری ءِ گس ءَ بیڑ بُرتگ، کمبر سک لٹ داتگ، آئی ءِ گِس ءَ چری یے تُپنگے ءَ ھوار سھر ءُ چیز ھم  بُرتگ اَنت۔ کمبر گوں ناگیگیں جاواراں گوں وت بُرتگ۔ بنشون ءِ رد ءَ پاکستانی لشکر ءَ 20 ستمبر ءِ شپ ءِ ادار سے ءَ بلیدہ میناز ءَ ابراھیم ءِ گِس ءَ بیڑ بُرتگ، آئی بَچ  ندیم ء ابراھیم آوار جنگ ءَ پد بیگواہ کرتگ۔ شال ءَ دو روچ بیت کہ ارپان زھری نامیں ورنایے آوار جنگ ءَ پد بیگواہ کنگ بیتگ۔ ارپان زھری چاگردی کارکنے۔  ھمے وڑ ءَ شال ءِ ھند سریاب دگ ءَ برما ھوٹل ءَ سی ٹی ڈی ءِ کارمنداں استاد منیر رئیس ء شکر ھان آوار جنگ ءَ پد بیگواہ کرتگ۔ استاد منیر رئیس مساپر وین ءِ ڈرائیورے ءُ ھزدار ءِ جھمنندے۔ بنشون ءِ رد ءَ ھزدار ءَ زھری ءَ پاکستانی لشکر ءَ کادر زھری نامیں ماسٹرے آوار جنگ ءَ پد بیگواہ کرتگ۔ کادر زھری ھزدار زھری ءَ یک ٹیوشن سینٹرے ءَ وانینگ ءَ بیتگ۔ 17 ستمبر ءَ کلات منگچر ءَ روگ ءَ بیتگ، پاکستانی لشکر ءَ آوار جنگ ءَ پد بیگواہ کرتگ۔ ھندی مردمانی گوشگ اِنت کہ کادر زھری ءَ پیسر ءَ پاکستانی لشکر ءَ بیھار داتگ ھزار ءَ لشکری بُنجل ءَ بیا۔ بنشون: اھوالکار | اکس: اھولکار