ریڈیو زْرمبش بلوچی | ریڈیو زْرمبش بلوچی

کولواہ: پاکستانی لشکر ءَ دو جنین ءَ ھوار نوہ مردم آوار جنگ ءَ پد بیگواہ کرتگ

کولواہ: پاکستانی لشکر ءَ دو جنین ءَ ھوار نوہ مردم آوار جنگ ءَ پد بیگواہ کرتگ

NOV

20
20 / 11 / 2021 بیگواہ 99

تربت: کیچ ءِ ھند کولواہ پاکستانی لشکر ءَ دو جنین ءَ ھوار نوہ مردم آوار جنگ ءَ پد بیگواہ کرتگ۔ 13 نومبر ءِ روچ ءَ پاکستانی لشکر ءَ کولواہ ءِ ھند شاپکول ءُ بل ءِ کوھاں بلگور ءَ دو جنین ءَ ھوار نوہ مردم ءِ آوار جتگ، سے مردم ءِ بیگواھی ءِ ھال مرچی دیم ءَ آتکگ۔ شاپکول ءَ پاکستانی لشکر ءَ دو جنین لال بکش ءِ لوگبانک برپی ءُ یک جنکے بی بی نھال ، دو گونڈل نوہ سال ئیں شوکت ءُ ھپت سالی ئیں یار مھمد، پنڈل ء دلمراد ءُ دوازدہ سالی ئیں لال بکش ء بابل آوار جنگ ءَ پد بیگواہ کرتگ اَنت۔ کولواہ ءِ بل ءِ کوھاں بلگور ءَ دشو ء کریمو ءُ سادک ء تیمور جھمنند بل کولواہ ءُ ھمے ھند ءَ سادک نامیں مردمے ءِ ورنائیں بچ بیگواہ کنگ بیتگ۔ کولواہ ءِ جتائیں ھنداں 13 نومبر ءَ بندات بیتگیں لشکر کشی انگت برجاہ اِنت۔ ھالانی رد ءَ بلور، آشال، رودکان پاکستانی لشکر ءِ انگر ءَ اَنت۔ روگ ءُ آھگ ءِ راہ ءُ در بندوک اَنت۔ بنشون: کارگس اھوالکار | اکس: دلمراد، ٹویٹر