ریڈیو زْرمبش بلوچی | ریڈیو زْرمبش بلوچی

تربت/گوادر/ پسنی: پاکستانی لشکر ءَ سے مردم آوار جتگ

تربت/گوادر/ پسنی: پاکستانی لشکر ءَ سے مردم آوار جتگ

OCT

06
06 / 10 / 2021 بیگواہ 102

گوادر ءَ سالم ء اَبدلواھد، پسنی ءَ ازھر نور ء ھُدا بکش ءُ تربت ءَ شاھد ء اشرپ آوار جنگ بیتگ اَنت۔ زرمبش اھوالکار ءِرد ءَ پنچ روچ پیش پاکستانی لشکر ءَ تربت آپسر ءَ گسے ءَ بیڑ بُرتگ شاھد ء اشرپ آوار جنگ ءَ پد بیگواہ کرتگ۔ بیگواھیں اشرپ کولواہ بدولک ءِ جھمنند اِنت۔ بنشون ءِ رد ءَ گوستگیں شپ ءَ بلوچستان ءِ تیاب دپی شھر گوادر پکیرکالونی ءَ پاکستانی لشکر ءُ چیریں ادارھانی کارمنداں یک گسے ءَ بیڑ برتگ، سالم ء ابدلواھد جھمنند دشت ٹُنگی آوار جتگ ءُ بیگواہ کرتگ۔ ھمے وڑ ءَ پرندوشی پسنی ءِ ھند ببرشور ءَ چیریں ترامگیجانی کارمنداں بلوچی زبان ءِ ورناھیں شائر ازھر نور ء ھدابکش آوار جتگ ءُ بیگواہ کرتگ۔


بنشون: اھوالکار/ اکس: اھوالکار